Кыргыз Республикасынын Экономика министрлигинин алдындагы метрологиялык көзөмөл боюнча мамлекеттик инспекция WhatsApp мобилдик тиркемеси боюнча жарандарга маалымат берүүнү улантат.

Республиканын жарандарында Whats App +996 (550) 77-51-12 номери аркылуу таразадан аз тартып берүү жана май куюучу жайлардагы аз куюп берүү фактылары боюнча маалымат берүү мүмкүнчүлүгү пайда болду. Эми жарандар Кыргызстандын бардык жеринен билдирүүлөрдү, фото жана видео-маалыматтарды жөнөтө алат.

Мындан тышкары, жеке маселелер боюнча жазылууга, кайрылууларды кароонун жүрүшү боюнча билүүгө, Мамлекеттик инспекциянын ишин илгерилетүү үчүн натыйжалуулукту жогорулатуу боюнча сунуштарды берүүгө болот.

Бул иш-чара калкка мамлекеттик инспекциянын иши жөнүндө маалымат берүүгө, туура эмес өлчөөдөн коргоо үчүн коомчулукка жарандардын укуктары жөнүндө маалымат берүү максатында жүргүзүлдү.

2016-жылдын 14-17 майында 548-телефон чалуу жана 515- билдирүү келип түшкөн. Мамлекеттик инспекция жарандардан өлчөө каражаттары менен камсыз кылуу чөйрөсүндөгү мыйзам бузуу фактылары боюнча маалымат берүүнү улантуусун суранат.