2023-жылдын 4-июлунда Евразия экономикалык комиссиясынын Кеңешинин (мындан ары - ЕЭК Кеңеши) кезектеги жыйыны видеобайланыш аркылуу өттү. Кыргыз Республикасынын Экономика жана коммерция министрлигинен министрдин орун басары Назарбек Малаев катышты.
Күн тартибинде 19 маселе каралды
Жыйындын жүрүшүндө ЕЭК Кеңешинин мүчөлөрү Евразия экономикалык биримдигине мүчө өлкөлөрдүн мындан аркы интеграциясына багытталган бир катар документтерди жактырышты, анын ичинде:
биологиялык дары-дармек каражаттарына сыноолорду жүргүзүү эрежелерине (мындан ары - Эреже) өзгөртүүлөрдү киргизген ЕЭК Кеңешинин чечими бар.
Бул Эрежелер кан плазмасынан алынган дары-дармек каражаттары, сасык тумоо жана чечекти алдын алуу үчүн терапиялык протеиндердин жана вакциналардын негизиндеги биотехнологиялык дары-дармек каражаттары боюнча, ошондой эле ушул дары-дармектердин топтору менен приондук козгогучтарды жугузуу коркунучун азайтуу боюнча жаңы главалар менен толукталган;
ЕЭК Кеңешинин чечими, ал аралыктан текшерүүлөрдү жүргүзүү жөнүндө өзүнчө тиркеме менен толукталган Фармацевтикалык текшерүүлөрдү жүргүзүүнүн тартиби.
аралыктан өз ара аракеттенүү инструменттерин пайдалануу менен фармацевтикалык текшерүүлөрдү жүргүзүү фармацевтикалык текшерүүлөрдүн үзгүлтүксүздүгүн камсыз кылат жана өндүрүүгө контролдук иш-чаралар жекече жүргүзүүгө мүмкүн болбогон дары-дармек каражаттарынын фармацевтикалык рыногуна жетүүнү чектөө коркунучун азайтат;
Мамлекеттик сатып алуулар максатында айрым товарлардын чыгарылган өлкөсүн аныктоо эрежелеринин №1 тиркемесинин жаңы товардык позициялары үчүн өндүрүш шарттарын аныктаган.
Алардын арасында станок жасоочу өнөр жайынан өлчөөчү приборлордун эки туру жана энергетика, электротехника жана кабель енер жайынан изоляторлордун үч түрү бар.
Белгилеп кетсек, жаңы шарттарды макулдашуу боюнча иштер үзгүлтүксүз жүргүзүлүп жатат жана СПТнын Эрежелерине ылайык өндүрүлгөн көбүрөөк товарлар мамлекеттик сатып алууларга тоскоолдуксуз мүмкүнчүлүк алышат;
ЕЭК Кеңешинин буйругу, ага ылайык ЕЭК Кеңеши «Электр энергиясынын дүң рыногунун соода системасынын администратору» акционердик коомун (Россия Федерациясы) Евразиялык экономикалык биримдиктин жалпы электр энергиясынын рыногунда электр энергиясынын борборлоштурулган суткалык соодасын уюштуруучу уюм катары аныктады.
ЕЭК Кеңеши ошондой эле ЕАЭБдин жалпы электр энергиясынын рыногунун иштөө эрежелерин (өз ара соода, мамлекеттер аралык электр линияларынын кубаттуулугун аныктоо жана бөлүштүрүү жана маалымат алмашуу) Биримдик өлкөлөрүнүн өкмөт башчыларына берүүнүн мөөнөттөрүн макулдашты. Евразия экономикалык бирлигинин эки же андан көп өлкөлөрүнүн аймагы аркылуу жүктөрдү ташууга көз салуу үчүн колдонулат.
Аппараттар ЕАЭБ өлкөлөрүнүн товарлардын эл аралык транзити жана алардын коопсуздугу боюнча мыйзамдарынын сакталышын камсыздайт, бажы көзөмөлүнүн чараларынын санын азайтат. Электрондук пломбалардын жардамы менен ташуу чынжырын мамлекеттик органдар да, тышкы экономикалык ишмердүүлүккө катышкан компаниялар да көзөмөлдөйт.
Алдын ала ЕЭК Кеңешинин кийинки отурумун 2023-жылдын август айынын аягында өткөрүү пландаштырылууда.