Электрондук коммерциянын почта-логистикалык комплексин ачуу жөнүндө

Новости
19-Январь 2023-ж.
1808

2023-жылдын 19-январында Кыргыз Республикасынын Экономика жана коммерция министрлигинин катышуусунда “Кыргыз Республикасынын” ААКсынын “Эл аралык алмашуу орду – Аламүдүн (ММПО Аламүдүн) почтасы» электрондук коммерциясынын почта-логистикалык комплексинин жана сорттоочу ОЗОН борборунун ачылыш аземи болуп өттү. 

Бул салтанаттын жүрүшүндө министрдин орун басары Айнура Үсөнбекова куттуктоо сөзүн сүйлөп, «Эл аралык алмашуу орду – Аламүдүн (ММПО Аламүдүн)» «Кыргыз почтасы» ААКсынын электрондук коммерциясынын почта-логистикалык комплексинин жана OZON сорттоо борборунун электрондук соода тармагын өнүктүрүүдөгү ордун жана маанисин белгиледи. 

«Анткени, электрондук коммерциянын аркасы менен бизнести, айрыкча соода тармагында баштоо оңой. Бул рыноктун бардык катышуучуларына жергиликтүү жана дүйнөлүк деңгээлде атаандаша ала турган соодага бирдей мүмкүнчүлүк берет. Ошондой эле ЕАЭБ өлкөлөрүнүн рынокторунун ортосундагы товарлардын логистикасын жеңилдетет», - деп баса белгиледи министрдин орун басары.

Кийинки жылдарда Кыргыз Республикасынын Министрлер Кабинети аны өнүктүрүү үчүн укуктук шарттарды түздү. 2021-жылдын декабрынын аягында «Электрондук коммерция жөнүндө» Кыргыз Республикасынын Мыйзамы жана 2022-жылдын башында Кыргыз Республикасынын Салык кодекси кабыл алынган, ал «Электрондук соода тармагындагы ишмердикке салык» деген жаңы глава менен толукталган, мында салыктын ставкасы жеңилдетилген режимде белгиленет.

Ал ошондой эле 2022-жылдын 16-декабрында «Кыргыз Республикасында электрондук коммерцияны колдоо жана өнүктүрүү боюнча 2023-2026-жылдарга карата Программаны жана иш-чаралар планын бекитүү жөнүндө» Министрлер Кабинетинин токтому кабыл алынганын баса белгиледи. Бул Программанын негизги максаты мамлекеттик жөнгө салууну оптималдаштырууга, институционалдык чөйрөнүн сапатын жакшыртууга жана өлкөдө электрондук сооданы өнүктүрүү үчүн жагымдуу шарттарды түзүүгө багытталган реформаларды жана иш-чараларды жүргүзүү болуп саналат.

Маалымат ордуна:

  ОЗОНдун Бишкектеги кеңсеси ОлолоЭркиндик коворкинг борборунда Эркиндик проспектиси, 64б дарегинде жайгашкан. Ал эми базардан товарларды жана посылкаларды кабыл алуу жана жеткирүү пункттары Бишкек шаарында «Кыргыз почтасы» ААКсынын филиалдарында төмөнкү даректер боюнча иштеп жатат: Киев көчөсү, 114, Ч. Айтматов пр.61а,, Манас пр.7 Орозбеков көч.1а, Токтогул көч, 247, Сүйүмбаева көч. 142, Киев көч. 39, Чүй пр., 96.

Ozon - алдыңкы мультикатегориялуу бмаркетплейс жана Россиядагы эң ири интернет-компаниялардын бири. Аянтчада 20дан ашык категориядагы 150 миллиондон ашык продуктылар бар: китептерден, кийимдерден тамак-аш жана ден соолук үчүн товарларга чейин.

Предложения по улучшению сайта
Онлайн кайрылуу