Уникалдуу мазмундагы документ ишкерлерге салык органдарына жана Кыргыз Республикасынын Социалдык фондуна отчеттуулуктун шарттарын, мөөнөттөрүн, формасын тез жана натыйжалуу аныктоого жардам берет.

Кыргызстанда салык органдарына отчеттуулук электрондук түрдө милдеттүү болуп саналат. Жеке ишкерлер үчүн www.salyk.kg порталында арыз толтуруп, мамлекеттик салык кызматынын райондук бөлүмдөрүнө (МСК) тапшыруу менен жеке кабинетке кирүү жетиштүү. Уюмдар жеке кабинет аркылуу отчетторду тапшыруу үчүн Электрондук кол тамга алышы керек. Социалдык чегерүүлөр боюнча белгиленген формадагы отчет МСКнын сайтында электрондук эсептегичтин жардамы менен да толтурулууга тийиш.

Колдонмодо баяндалган деталдуу кадам-кадам нускамалар бизнес өкүлдөрүнө керектүү шилтемелерди тез табууга, Электрондук кол тамганы алууга, туура отчеттуулуктун мөөнөттөрүн аныктоого жана алардын формасына жана ишкердик ишинин түрүнө мүнөздүү зарыл отчеттор менен иштөөгө жардам берет.

Мындай көрсөтмөлөр өзгөчө өлкөгө келген, мамлекетибиздин аймагында бизнесин өнүктүрүүнү көздөгөн чет элдик жарандарга керек.

«Тиешелүү органдарга отчетторду натыйжалуу, оңой жана өз убагында берүү үчүн чет элдик жарандар, көбүнчө ата мекендик ишкерлер маалыматтык жардамга муктаж. Көбүнчө ишкер өзү отчет берүүгө жооп берет, биз анын маалыматтуу жана компетенттүү болушуна кызыкдарбыз”, - дейт КР Экономика жана коммерция министринин орун басары Айнура Үсөнбекова.

Колдонмодо салыктардын ар кандай түрлөрү боюнча отчеттуулуктун түрлөрү жана мөөнөттөрү боюнча толук тексттик маалымат жана таблица сунушталат, бул отчеттуулукту өз убагында жүргүзүүгө жардам берет.

«Биз биринчи кезекте ишкерлерге жардам берүүгө жана колдоого багытталганбыз», - деп баса белгиледи министрдин орун басары.

Колдонмого шилтеме аркылуу кайрылсаңыз болот: https://mineconom.gov.kg/ru/direct/385/397