Кыргыз Республикасынын Экономика жана коммерция министрлиги Казакстан Республикасынын Соода жана интеграция министрлиги тарабынан иштелип чыккан “Продукцияны чыгаруунун жана жүгүртүүнүн айрым маселелери жөнүндө” Казакстан Республикасынын Өкмөтүнүн токтомунун ЕАЭБ каттоо номерлери KG *** болгон бирдиктүү формадагы шайкештикти баалоо документтери менен коштолгон продукцияны Казакстан Республикасынын аймагында 2024-жылдын 1-июлунан кийин чыгарылган же кабыл алынган Казакстан Республикасынын аймагына чыгарууга жана жүгүртүүгө тыюу салуу жөнүндө коомдук талкууга коюлган долбооруна карата тынчсыздануусун билдирет.
Бул токтомдун Казакстан Республикасынын кабыл алынышы Евразия экономикалык биримдигинин ички рыногунун иштешинде тоскоолдуктун белгилери бар жана ЕАЭБге мүчө-мамлекеттердин ишкерлеринин Евразиянын ички рыногуна кирүү мүмкүнчүлүгүн чектеген тоскоолдук катары каралат. Экономикалык Биримдик жана Бирликтин алкагында шайкештикти баалоо боюнча документтерди тааныбоо үчүн прецедент түзүшү мүмкүн.
Ошону менен бирге, Министрлик шайкештикти баалоо жол-жоболорун бузууларды болтурбоо, ошондой эле “боз сертификаттарга” (шайкештикти баалоо жол-жоболорун бузуу менен же тестирлөөсүз берилген) каршы күрөшүү боюнча системалуу жүргүзүлүп жаткан иштердин алкагында Кыргыз Республикасынын сертификаттоо боюнча аккредиттелген органдары тарабынан:
- 2024-жылдын 7-мартында аккредитациялоонун абийирсиз субъекттери менен күрөшүү боюнча Кыргыз Республикасынын Экономика жана коммерция министрлиги менен Казакстан Республикасынын Соода жана интеграция министрлиги тарабынан биргелешкен иш-чаралардын планы иштелип чыгып, ага кол коюлган;
- Кыргыз Республикасынын Министрлер Кабинетинин 2024-жылдын 28-февралында “Кыргыз Республикасынын Өкмөтүнүн айрым токтомдоруна продукциянын шайкештигин тастыктоо жана шайкештикти баалоо боюнча органдарды аккредитациялоо чөйрөсүндө өзгөртүүлөрдү киргизүү жөнүндө” токтому , 2024-жылдын 20-мартынан тартып ЕАЭБдин (Бажы бирлигинин) техникалык регламенттеринин талаптарына шайкештиги жөнүндө декларацияларды каттоо функциясы бар бирдиктүү формадагы ыйгарым укуктуу органга – КР ЭКМдин Стандартташтыруу жана метрология борборуна жана анын аймактык бөлүмдөрүнө берилген.
Ошондой эле, ЕАЭБ шайкештикти баалоо боюнча органдарынын бирдиктүү реестринин улуттук бөлүгүнө шайкештикти баалоо боюнча аккредиттелген органдарды киргизүү/чыгарып салуу жөнүндө чечимди аккредитациялоо боюнча улуттук органдын тартиби жана негиздери жөнүндө жобо бекитилди.
Кыргыз Республикасында буга чейин Кыргыз Республикасынын лабораториялары тарабынан берилген сыноолордун протоколдорунун реестри түзүлгөн.
Ошондой эле, КР ЭКМ казак тарапка сертификаттоо боюнча органдар тарабынан колдонулган тесттердин отчетторунун мыйзамдуулугуна мониторинг жүргүзүү үчүн улуттук тестирлөөнүн отчетторунун реестрин түзүү үчүн сунуш кылынган.
Сертификаттоо боюнча органдарга мамлекеттик көзөмөл жүргүзүлүп, 6 органга 1 млн 560 миң сом айып салынып, 8 органдын аккредитациялык сертификаты токтотулуп, бузуулар менен берилген шайкештикти баалоо боюнча документтердин жарактуулугу жокко чыгарылган.
Бул маселени чечүү үчүн КР ЭКМ ЕЭКтин Техникалык жөнгө салуу департаменти, ошондой эле Биримдиктин бардык кызыкдар тараптары менен консультацияларды өткөрөт.
