Өлкөнүн азык-түлүк коопсуздугун камсыз кылуу жана унга рыноктук бааны турукташтыруу максатында Кыргыз Республикасынын Министрлер Кабинети мамлекеттик резервден азык-түлүк буудай дандарын чыгаруу жөнүндө токтом кабыл алды. Ошондой эле, Кыргыз Республикасынын Министрлер Кабинети “Айыл чарба товарларынын айрым түрлөрүн, анын ичинде Кыргыз Республикасынан буудай унун Кыргыз Республикасынын аймагынан тышкары алып чыгууга (экспорттоого) убактылуу тыюу салуу жөнүндө” токтом кабыл алды. . Бул тууралуу министр Данияр Амангелдиев айрым социалдык маанидеги товарларды мамлекеттик жөнгө салуу маселесин кароонун алкагында министрликтин 2023-жылга карата ишинин жыйынтыгы боюнча коллегияда билдирди.
Кыргыз Республикасынын Экономика жана коммерция министрлиги менен Суу чарба, айыл чарба жана кайра иштетүү өнөр жай министрлиги менен республиканын ун чыгаруучу өнөр жай ишканаларынын ортосунда келишим түзүлдү. Макулдашуунун предмети болуп Кыргыз Республикасынын азык-түлүк коопсуздугун камсыз кылуу жана өлкөнүн калкын жеткиликтүү баада сапаттуу буудай уну жана мал үчүн тоют менен үзгүлтүксүз камсыз кылуу максатында Тараптардын кызматташуусун уюштуруу саналат.
Учурда республиканын аймактарында 1-сорттогу унга болгон баанын абалы туруктуу, сатып алуучулар арасында шашылыш жок, алып-сатарлык баалардын өсүшү токтотулган, ата мекендик ундун баасы жеткиликтүү. Рыноктун конъюнктурасына туруктуу мониторинг, ошондой эле рыноктун катышуучулары менен түшүндүрүү иштери жүргүзүлдү.
2023-жылдын сентябрында министрлер кабинети “Социалдык маанидеги товарларга бааларды мамлекеттик жөнгө салуу жөнүндө” токтом кабыл алып, анда Социалдык маанидеги товарлардын тизмеси бекитилген жана Кыргыз Республикасынын ички рыногунда бааларды убактылуу мамлекеттик жөнгө салуу киргизилиши мүмкүн.
Алсак, нан жана нан азыктары рыногуна жүргүзүлгөн мониторингдин жыйынтыгы боюнча рыноктук чекене баалардын негизсиз жогорулашынын фактылары аныкталган, ошондой эле нандын калк үчүн өзгөчө социалдык маанисин эске алуу менен Министрлик 2023-жылдын 3-октябрындагы буйругу менен Кыргыз Республикасынын аймагында биринчи сорттогу ундан (бөлкө нан), нан азыктарынан (тандыр нан) буудай нанына бааларды убактылуу мамлекеттик жөнгө салуу жөнүндө чечим кабыл алды.
Министрлик тарабынан көрүлгөн жогоруда аталган иш-чара оң натыйжа берди, анткени Монополияга каршы жөнгө салуу кызматы тарабынан бул социалдык маанидеги товарларга максималдуу баалар белгиленген жана ошого жараша белгиленген бааларды туура колдонууну камсыз кылуу боюнча көзөмөл чаралары белгиленген учурдан тартып мамлекеттик жөнгө салууну киргизүү жүргүзүлүүдө.
