Кыргыз Республикасынын Экономика жана финансы министри А.Жапаров Хатай шаарынын мэри (Түркия Республикасы) Лутфи Саваш мырза баштаган түрк делегациясы менен жолукту

Новости
05-Июль 2021-ж.
1012

2021-жылдын 5-июлунда Кыргыз Республикасынын Экономика жана финансы министри А.Жапаров Хатай шаарынын мэри (Түркия Республикасы) Лутфи Саваш мырза баштаган түрк делегациясы менен жолугушту.

Түрк делегациясынын курамы: айыл чарба, билим берүү, консерва, эмерек, текстиль, өнөр жай өндүрүшүндө, ошондой эле жол тосмолорун, брусчатка, бордюрларды ж.б. өндүрүү жана орнотуу жаатында иш алып барган түрк ишкерлеринин өкүлдөрү.

Жолугушуунун жүрүшүндө иш-аракеттердин жогоруда аталган багыттары боюнча эки тараптуу кызматташтыкты орнотуу, анын ичинде тажрыйба жана билим алмашуу маселелери талкууланды.

Мэр мырза Хатай провинциясында өнөр жай, цемент, бетон түтүктөрү ж.б. жана алардын иш сапарынын максаты кыргыз ишкерлеринин өкүлдөрү менен кызматташуу түзүү экендигин белгиледи.

Өз кезегинде министр А.Жапаров кызматташтыкты орнотууну жана жолдорду табигый таш менен жабуу боюнча тажрыйба алмашууну сунуш кылды, анткени Түркия Республикасында бул багыт жакшы өнүккөн.

Эки өлкөнүн ортосундагы соода жүгүртүүнү ишкердик жаатында мамилелерди өнүктүрүү жана орнотуу аркылуу көбөйтүү маселеси дагы каралды. коронавирус пандемиясы менен байланышкан экономикалык кризиске карабастан, дүйнө жүзүндө эки тараптуу кызматташууну өнүктүрүү үчүн биздин өлкөлөрдүн ортосунда чоң мүмкүнчүлүктөр бар.

Ошол эле учурда министр А.Жапаров Министрлер Кабинети жалпысынан инвестициялык климатты, жеке секторду жакшыртууга, административдик чектөөлөрдү жоюуга, инвесторлор үчүн тоскоолдуктарды азайтууга жана ишкердик ишин жөнгө салуучу мыйзамдарды өркүндөтүүгө чоң көңүл буруп жаткандыгын белгиледи.

Саваш мырза биздин мамлекетте өз ишин жүргүзүү мүмкүнчүлүгүн карап чыгууга даяр экендигин билдирди, ага Кыргыз Республикасынын эркин (өнөр жай) экономикалык зоналарын, ошондой эле жеңилдетилген салык жана бажы режимдерине баш ийген экономикалык аймактарды изилдөө кирет.

Министр А.Жапаров түрк тарапты ЕБ рынокторуна чыгуу үчүн Кыргыз Республикасы жана ВСП+ системасы аркылуу ЕАЭБ рынокторуна чыгуу мүмкүнчүлүгүн активдүү пайдаланууга чакырды.

Ошондой эле, кыргыз тарап өнөр жай кызматташтыгын кеңейтүүгө, биргелешкен ишканаларды түзүүгө, агрардык сектордо, ошондой эле текстиль, тоо-кен, гидроэнергетика жана башка өз ара кызыкчылык туудурган башка тармактарда кызматташууга багытталган долбоорлорго басым жасаары белгиленди.

Жолугушуунун жыйынтыгында Тараптар келечекте биздин өлкөлөр эки тарапты кызыктырган башка чөйрөлөрдөгү кызматташтык маселелерин караштыра алат деген ишенимин билдиришти.

Предложения по улучшению сайта
Онлайн кайрылуу