Евразия комиссиясынын Кеңешинин жыйынынын жыйынтыктары

Новости
11-Февраль 2021-ж.
957

2021-жылдын 29-январында Казакстан Республикасынын Премьер-министринин биринчи орун басары А.Смаиловдун төрагалыгы астында Евразия экономикалык комиссиясынын (ЕЭК) Кеңешинин кезектеги жыйыны видеоконференция режиминде өттү.

Аталган жыйынга Армения Республикасынын, Беларусь Республикасынын, Казакстан Республикасынын, Кыргыз Республикасынын, Россия Федерациясынын өкүлдөрү жана ЕЭК Коллегиясынын мүчөлөрү (министрлер) катышты. Ошондой эле жыйынга Өзбекстан Республикасынын вице-премьер-министри - Инвестициялар жана тышкы соода министри С.Умурзаков байкоочу мамлекеттин өкүлү катары катышты.

Жыйын алкагында Кеңештин мүчөлөрү тарабынан тышкы соода иши, бажы жана техникалык жөнгө салуу жана эл аралык кызматташуу тармагындагы маселелер каралды.

Атап айтканда, Бирликтин “Энергияны талап кылуучу түзүлүштөрдүн энергетикалык натыйжалуулугуна талаптар жөнүндө” Техникалык регламентинин (ЕАЭБ ТР 048/2019) күчүнө кирүү мөөнөтүн 2022-жылдын 1-сентябрына жылдыруу жөнүндө чечим кабыл алынды.

Өндүрүшчүлөргө бирдиктүү техникалык регламенттин талаптарына үзгүлтүксүз өтүүнү камсыздоо үчүн кошумча убакыт берүү максатында, мөөнөт кийинкиге калтырылды. Чечимде жаңы коронавирустук инфекциянын жайылышына байланыштуу чектөөлөрдү этап-этабы менен алып салуу шартында ишкердик климатты нормалдаштырууга жана ишкердүүлүктү калыбына келтирүүгө багытталган чараларды көрүү зарылдыгы дагы эске алынган.

ЕЭК Кеңеши бажы алымдарын жана салыктарын төлөбөстөн, геологиялык чалгындоо үчүн колдонулган деңиз кемелеринин айрым түрлөрүн убактылуу ташып келүүгө уруксат берди.

ECE Кеңеши алюминий өндүрүшүндө электролит компоненти катары колдонулган алюминий фторуна импорттун нөлдүк салыгын узартты. Чара 2023-жылдын 31-декабрына чейин күчүндө болот.

ЕЭК Кеңешинин кезектеги жыйыны 2021-жылдын 26-февралына пландаштырылды.

Предложения по улучшению сайта
Онлайн кайрылуу