КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ
Бишкек шаары, 2012-жылдын 29-ноябры N 801
Аукциондо сатуу ыкмасы менен мамлекеттик мүлктү менчиктештирүү жөнүндө жобону бекитүү тууралуу
Менчиктештирүү процессин андан ары өркүндөтүү жана Кыргыз Республикасында мамлекеттик мүлктү натыйжалуу пайдалануу максатында Кыргыз Республикасынын Өкмөтү токтом кылат:
1. Аукциондо сатуу ыкмасы менен мамлекеттик мүлктү менчиктештирүү жөнүндө жобо тиркемеге ылайык бекитилсин.
2. Төмөнкүлөр күчүн жоготту деп эсептелсин:
- Кыргыз Республикасынын Өкмөтүнүн 2005-жылдын 13-августундагы N 370 "Аукциондо сатуу жана кийинки сатып алуу ыкмалары менен мамлекеттик мүлктү менчиктештирүүнү жөнгө салуучу жоболорду бекитүү жөнүндө" токтомунун 1-пунктунун экинчи абзацы жана бул токтому менен бекитилген Кийинки сатып алуу менен ижарага берүү ыкмасында мамлекеттик менчикти менчиктештирүү жөнүндө Жобо;
- Кыргыз Республикасынын Өкмөтүнүн 2008-жылдын 8-октябрындагы N 569 "Кыргыз Республикасынын Өкмөтүнүн мамлекеттик менчикти менчиктештирүү маселесин жөнгө салуучу айрым чечимдерине өзгөртүүлөрдү жана толуктоолорду киргизүү жөнүндө" токтомунун 5-пунктунун экинчи-жыйырманчы абзацтары;
- Кыргыз Республикасынын Өкмөтүнүн 2010-жылдын 9-мартындагы N 139 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомунун 8-пункту;
- Кыргыз Республикасынын Өкмөтүнүн 2010-жылдын 27-августундагы N 178 "Аукциондо сатуу жана кийинки сатып алуу ыкмалары менен мамлекеттик мүлктү менчиктештирүүнү жөнгө салуучу жоболорду бекитүү жөнүндө" Кыргыз Республикасынын Өкмөтүнүн 2005-жылдын 13-августундагы N 370 токтомуна өзгөртүүлөр киргизүү жана Кыргыз Республикасынын Өкмөтүнүн айрым токтомдорун күчүн жоготту деп таануу жөнүндө" токтому;
- Кыргыз Республикасынын Өкмөтүнүн 2012-жылдын 11-январындагы N 10 "Кыргыз Республикасынын Өкмөтүнүн 2005-жылдын 13-августундагы N 370 "Аукциондо сатуу жана кийинки сатып алуу ыкмалары менен мамлекеттик мүлктү менчиктештирүүнү жөнгө салуучу жоболорду бекитүү жөнүндө" токтомуна өзгөртүүлөрдү киргизүү тууралуу" токтому.
3. Бул токтом расмий жарыяланган күндөн тартып күчүнө кирет.
"Эркин Тоо" газетасынын 2012-жылдын 30-ноябрында N 106 жарыяланды
Кыргыз Республикасынын Премьер-министри | Ж.Сатыбалдиев |
Тиркеме
Кыргыз Республикасынын Өкмөтүнүн |
Аукциондо сатуу ыкмасы менен мамлекеттик менчикти менчиктештирүү жөнүндө
ЖОБО
(КР Өкмөтүнүн 2016-жылдын 25-августундагы № 458, 2019-жылдын 29-августундагы № 440, КР Министрлер Кабинетинин 2023-жылдын 18-сентябрындагы N 483 токтомдорунун редакцияларына ылайык)
1. Жалпы жоболор
1. Бул Жобо Аукциондо сатуу ыкмасы менен мамлекеттик менчикти менчиктештирүүнүн шарттарын жана тартибин аныктайт.
2. Бул Жободо пайдаланылчу негизги терминдер:
аукцион - соодалашуу жүргүзүү аркылуу мамлекеттик менчикти сатуу ыкмасы, мында менчиктештирүү объектиси үчүн эң жогорку бааны сунуш кылган жана төлөгөн адам менен сатып алуу-сатуу келишими түзүлөт. Мында менчиктештирүү объектисине карата кошумча шарттарды аткаруу талап кылынбайт;
аукционист - аукциондук аянтта, аукцион формасында соодалашуу жүргүзгөн адис;
старттык баа - менчиктештирүү объектисин аукциондо баштапкы катары белгиленген баасы;
аукцион кадамы - үстөк, мында соодалашуунун жүрүшүндө старттык баа жана аукциончу тарабынан жарыяланган ар бир кийинки баа, Аукциондун кадамы аукциондун жүрүшүндө көтөрүлүп турушу мүмкүн.
3. Мамлекеттик мүлктү сатуучу болуп, мамлекеттик мүлктү башкаруу чөйрөсүндөгү ыйгарым укуктуу мамлекеттик орган (мындан ары - Сатуучу) чыгат.
4. Аукцион адаттагы форматта же электрондук соода аянттарында жүргүзүлөт. Аукционду электрондук форматта жүргүзүү тартиби Кыргыз Республикасынын Өкмөтү тарабынан аныкталат.
5. Аукциондун уюштуруучусу катары Сатуучу, ал эми аукцион электрондук форматта өткөрүлсө - Сатуучу менен түзүлгөн келишимдин негизинде иштечү жана анын атынан чыгуучу адистештирилген уюм чыгат.
6. Сатуучунун ыйгарым укуктарына төмөнкүлөр кирет:
- менчиктештирилүүгө тийиш болгон мамлекеттик мүлктү аукционго коюу тууралуу чечимди кабыл алуу;
- чарбакер коомдун менчиктештирилүүгө тийиш болгон акциялар пакетин (мамлекеттик үлүшүн) өзүнчө лоттор менен коюу тууралуу чечим кабыл алуу;
- менчиктештирүү объектинин наркына баалоо жүргүзүүнү камсыз кылуу;
- менчиктештирүү боюнча комиссияны түзүү, анын курамын аныктоо, комиссиянын төрагасын жана секретарын дайындоо тууралуу чечим кабыл алуу;
- менчиктештирүү объектинин менчиктештирүү боюнча комиссия түзгөн нарктык баасы жана старттык баасы тууралуу корутундуну кароо;
- менчиктештирүү объектинин нарктык баасы жана баасы тууралуу комиссия тарабынан даярдалган корутундунун негизинде менчиктештирүү объектинин аныкталган старттык баасын бекитүү;
- аукциондорду уюштуруу боюнча кызмат көрсөтүүчү адистешкен уюмдарды келишим негизинде тартуу;
- тоорук өткөрүү боюнча кызмат көрсөтүүчү аукционисттерди келишим негизинде тартуу;
- аукционго катышууга уруксат берүү үчүн талапкерлер берүүчү документтердин тизмесин аныктоо;
- талапкерлер тарабынан аукционго катышууга кепилдик мүчөлүк акыларды төлөөнүн шарттарын жана мөөнөтүн аныктоо;
- аукционго катышууга талапкерлерден билдирмелерди кабыл алуунун башталуучу жана аякталуучу күнүн, ордун аныктоо;
- аукционду өткөрүүнүн күнүн, убактысын, ордун жана форматын аныктоо;
- аукциондун өткөрүлүшү тууралуу маалыматтык кабарлоону өз убагында жарыялоону камсыз кылуу;
- аукционго катышууга талапкерлерден билдирмелерди жана ага тиркелүүчү документтерди кабыл алуу, ошондой эле аларды келип түшкөнүнө жараша билдирүүлөрдү кабыл алуунун журналына эсебин каттоо;
- талапкерлер берген документтерди тариздөөнүн тууралыгын текшерүү жана алардын Кыргыз Республикасынын мыйзамдарынын талаптарына жана аукциондун өткөрүлүшү жөнүндө маалыматтык кабарда жарыяланган тизмеге ылайыктыгын аныктоо;
- Сатуучу тарабынан бекитилген карап чыгуунун белгиленген графигине ылайык менчиктештирүү объектинин аукционуна катышууга талапкерлер тарабынан карап чыгуунун шарттарын жана мөөнөттөрүн аныктоо;
- аукциондун жыйынтыгы тууралуу протоколду бекитүү;
- сатып алуучу менен менчиктештирүү объектисин сатып алуу-сатуу келишимин түзүү;
- талапкерлер, катышуучулар жана аукциондун жеңүүчүсү менен эсептешүүлөрдү жүргүзүү;
- аукциондун жыйынтыгы жөнүндө маалыматтарды массалык маалымат каражаттарында өз учурунда жарыяланышын камсыздоо;
- сатып алуу-сатуу келишиминин шарттарына ылайык сатып алуучуга мүлктү өткөрүп берүүнү камсыздоо;
- талапкерлерге алардын аукционго катышуусуна байланыштуу комиссия кабыл алган чечим жөнүндө билдирүү;
- (абзац КР Өкмөтүнүн 2019-жылдын 29-августундагы № 440 токтомуна ылайык күчүн жоготту)
(КР Өкмөтүнүн 2016-жылдын 25-августундагы № 458, 2019-жылдын 29-августундагы № 440 токтомдорунун редакцияларына ылайык)
7. Мамлекеттик мүлктү сатып алуучулар жеке адамдар же юридикалык жактар болушу мүмкүн.
Белгиленген тартипте акыл эси ордунда эмес деп таанылган жеке адамдар, мамлекеттик уюмдар жана ишканалар менчиктештирилчү мамлекеттик мүлктү сатып алуучу боло албайт.
Эгерде кийин, мамлекеттик мүлк сатылып жаткан учурда сатып алуучу аны сатып алууга укугу болгондугу аныкталса, анда мамлекеттик мүлктү менчиктештирүү жөнүндө бүтүм Кыргыз Республикасынын жарандык мыйзамдарына ылайык жараксыз деп табылат.
8. Аукционго төмөнкүлөр коюлат:
- чарбалык коомдордун акциялары (уставдык капиталындагы үлүштөр);
- мамлекеттик ишкананы өзгөртүп түзүүнүн (жоюунун) натыйжасында мүлктүк комплекс катары түзүлгөн мамлекеттик ишканалардын өндүрүштүк жана өндүрүштүк эмес бөлүмдөрүнүн ишке жарамдуу комплекси;
- тармактык мыйзамдар менен менчиктештирүүгө тыюу салуу белгиленбеген башка мамлекеттик мүлк.
(КР Өкмөтүнүн 2016-жылдын 25-августундагы № 458 токтомунун редакциясына ылайык)
2. Аукционду даярдоо
9. Аукционго коюлчу ар бир обьект боюнча Сатуучу менчиктештирүү боюнча комиссия түзөт (мындан ары - комиссия), Сатуучу комиссиянын курамын аныктайт, анын төрагасын жана секретарын дайындайт. Комиссиянын төрагасы жана секретары болуп Сатуучунун өкүлдөрү дайындалат. Комиссиянын курамы 5 адамдан кем эмес болот, мында комиссиянын курамынын жалпы саны так санда болушу керек.
Комиссиянын секретары комиссия чечим кабыл алганда добуш берүү укугуна ээ эмес жана комиссиянын жыйынын даярдоо жана өткөрүү боюнча иштерди аткарат, комиссиянын жыйынында протокол жазат, добуш бергенде комиссиянын мүчөлөрүнүн добуштарын санайт.
10. Комиссия Сатуучунун, тиешелүү министрликтердин, ведомстволордун жана башка мамлекеттик органдардын өкүлдөрүнөн турат.
Кыргыз Республикасы үчүн стратегиялык мааниси бар обьекттер аукционго коюлса, анда комиссиянын курамына Кыргыз Республикасынын Жогорку Кеңешинин же жергиликтүү кеңештин депутаттары, бизнес-коомчулуктун жана жарандык сектордун өкүлдөрү кошулат.
11. Комиссия ишинин тартиби комиссия бекиткен регламент менен жөнгө салынат. Комиссиянын чечими жыйынга катышкан комиссия мүчөлөрүнүн көпчүлүк добушу менен кабыл алынат. Добуш берүүдө комиссиянын ар бир мүчөсү бир добушка ээ. Комиссия жыйынга анын мүчөлөрүнүн жарымынан аз эмеси катышса, өзүнүн компетенциясына кирген маселелерди чечүүгө укуктуу. Добуштар тең болуп калса комиссия төрага добуш берген чечимди кабыл алат. Комиссиянын чечими протокол менен таризделип, ага жыйынга катышкан комиссия мүчөлөрү кол коюшат.
12. Комиссиянын милдети аукционду даярдоо жана өткөрүү болот. Бул максатта комиссия:
- көз карандысыз баалоочу (баалоочу уюм) түзгөн отчеттун негизинде менчиктештирүү обьектинин нарктык баасы жана баасы жөнүндө бүтүм даярдайт;
- аукционго катышууга кабыл алынган билдирүүлөрдү карайт жана талапкерлердин кепилденген взнос төгүшүн текшерет;
- талапкерлерге аукционго катышууга уруксат берүү (же уруксат бербөө) жөнүндө чечим чыгарат;
- аукциончуну дайындайт;
- аукциондун кадамынын өлчөмүн аныктайт;
- аукционду өткөрөт;
- аукциондун жүрүшүндө кадамдардын өлчөмүн жогорулатуу жөнүндө чечим кабыл алат;
- аукциондун жыйынтыгы жөнүндө протокол түзөт жана кол коет;
- аукциондун жыйынтыгын аукцион өттү же өтпөй калды деп тааныйт;
- аукцион өтпөй калды деп таанылса. Сатуучуга жаңы аукционду жарыялоо жөнүндө сунушун киргизүүгө укуктуу;
- аукционго катышууга өтүнмө жок болгондугунун натыйжасында аукциондун жыйынтыгы болгон жок деп сатуучу тарабынан таанылган учурда менчиктештирүү объектисинин адегенде бекитилген старттык баасын ошол суммадан 25 пайыздан ашпаган суммага азайтуу жөнүндө Сатуучуга сунуш киргизүүгө укуктуу.
- (абзац КР Өкмөтүнүн 2019-жылдын 29-августундагы № 440 токтомуна ылайык күчүн жоготту)
(КР Өкмөтүнүн 2016-жылдын 25-августундагы № 458, 2019-жылдын 29-августундагы № 440 токтомдорунун редакцияларына ылайык)
13. Менчиктештирилчү объекттин старттык баасын Сатуучу белгилейт. Бул максатта Сатуучу мамлекеттик сатып алуулар жөнүндө мыйзамда белгиленген тартипте көз карандысыз баалоочуларды (баалоочу уюмду) тартат. Жүргүзүлгөн баалоонун жыйынтыгы боюнча комиссия менчиктештирилчү обьекттин нарктык баасы жана баасы жөнүндө корутунду даярдайт жана аны Сатуучунун кароосуна берет.
14. Аукционду өткөрүү жөнүндө маалыматтык билдирүү аны өткөрүү датасына чейин кеминде 30 күн мурда жалпыга маалымдоо каражаттарында жарыяланат жана төмөнкүдөй маалыматтарды камтууга тийиш:
- Сатуучунун аталышы;
- аукционго коюлуучу объекттин аталышы жана жайгашкан орду;
- менчиктештирүү объектисинин старттык баасы;
- кепилдик взностун өлчөмү жана суммасы жана ал которулуучу эсептин керектүү реквизиттери;
- (КР Министрлер Кабинетинин 2023-жылдын 18-сентябрындагы N 483 токтомуна ылайык күчүн жоготту)
- аукциондун өткөрүлчү орду, күнү, убактысы жана форматы;
- аукционго катышууга билдирүүлөрдү алуу убактысы;
- аукционго катышуу үчүн тапшырылчу документтердин тизмеси;
- аукционго катышууда талапкер үчүн чектөөлөр;
- аукционго катышууда талапкердин салыктык милдеттенмелер боюнча карызы жоктугу тууралуу маалымкат берүү боюнча Сатуучунун талабы. Бул талап чет өлкөлүк талапкерлер - Кыргыз Республикасынын резиденти эместер үчүн милдеттүү эмес;
- аукционго катышууга талапкердин Кыргыз Республикасынын Социалдык фондуна төлөмдөр боюнча карызы жоктугу тууралуу маалымкат берүү боюнча Сатуучунун талабы. Бул талап чет өлкөлүк талапкерлер - Кыргыз Республикасынын резиденти эместер үчүн милдеттүү эмес;
- аукционго катышууда талапкердин төлөө жөндөмдүүлүгү жөнүндө банктык кепилдиктерди берүү тууралуу Сатуучунун талабы, зарылдыгына жараша. Сатуучунун каалоосу боюнча;
- Сатуучу тарабынан аныктаган кошумча талаптар жана маалыматтар;
- өткөрүлүүчү аукцион жана менчиктештирүү объектиси боюнча материалдар менен маалыматтарды алуучу жердин телефону жана дареги.
(КР Министрлер Кабинетинин 2023-жылдын 18-сентябрындагы N 483 токтомунун редакциясына ылайык)
15. Ачык акционердик коомдун акцияларын сатууда информациялык билдирүүгө жогоруда аталган маалыматтардан башка төмөнкүдөй маалыматтар камтылат:
- коомдун кыймылсыз мүлкү жайгашкан жер участогунун жалпы аянты;
- кыймылсыз мүлктүн жалпы мүнөздөмөсү;
- продукциянын (жумуштардын, кызмат көрсөтүүлөрдүн) негизги номенклатурасы;
- кызматкерлердин саны;
- Кыргыз Республикасынын резидент эместерин, ошондой эле уюштуруучулар (катышуучулар) жана аффилирленген жактар катары чет өлкөлүк жеке адамдар жана юридикалык жактар бар болгон Кыргыз Республикасынын резиденттеринин катышуусуна чектөөлөр;
- коомдун негизги финансылык-экономикалык көрсөткүчтөрү.
16. Аукционго катышуу үчүн талапкер кепилдик взносун төгөт. Кепилдик взностун өлчөмү аукционго коюлуучу объекттин старттык баасынын 10 пайыз өлчөмүндө аныкталат.
Кепилдик взнос аукциондун бардык талапкерлерине жана катышуучуларына (аукциондун жеңүүчүсүнөн башкаларга) аукциондун жыйынтыгы жөнүндө протоколго кол коюлган учурдан тартып 10 банктык күндүн ичинде кайра берилет.
Аукциондун жеңүүчүсүнө кепилдик взнос аукциондо сатып алынган мүлккө төлөнүүчү акынын эсебине кириштелет.
17. Аукционго катышуу үчүн талапкерлер белгиленген мөөнөттө комиссияга төмөнкүдөй документтерди беришет:
- аукционго катышууга билдирүү (1-тиркеме);
- кепилдик взносту төккөндүгүн тастыктоочу төлөм документинин копиясын;
- ким экендигин тастыктоочу документти (арызды бергенде талапкердин өзү көрсөтөт);
Юридикалык жактар кошумча түрдө төмөнкүлөрдү беришет:
- уюштуруу документтеринин белгиленген тартипте күбөлөндүрүлгөн копияларын;
- талапкердин билдирүүнү берген датадагы абал боюнча бардык деңгээлдеги бюджеттерге салыктык төлөмдөр жана камсыздандыруу взностору боюнча карызы жоктугу тууралуу салык органдарынын жана Кыргыз Республикасынын Социалдык фондунун маалымдамасын. Бул талап чет өлкөлүк талапкер - Кыргыз Республикасынын резиденти эмес үчүн милдеттүү эмес;
- юридикалык жактын атынан чыгууга жана тийиштүү бүтүмдөрдү түзүүгө ыйгарым укук берилген өкүлдүн атына ишеним кат;
- маалыматтык билдирүүдө көрсөтүлгөн башка документтер.
Эгер билдирүүнү талапкердин өкүлү берсе, анда талапкердин атынан аракеттенүүгө укуктуу адамдын нотариуста күбөлөндүргөн ишеним катын (түп нускасын жана копиясын) берүү зарыл.
Талапкер аукционго катышууда аукционго коюлуучу мүлктү карап чыгуу үчүн Сатуучу бекиткен графикке ылайык менчиктештирилчү обьектти карап чыгууга укуктуу. Мындай кароолор аукцион өткөрүү жөнүндө маалыматтык билдирүү жарыяланган күндөн тартып ар бир 10 иш күндөн аз эмес убакта ишке ашырылышы керек.
18. Билдирүүлөр кабыл алынып бүткөндөн кийин комиссиянын мүчөлөрү 3 иш күндүн ичинде аукциондун материалдарын, ошондой эле аукционго катышууга талапкерлер тапшырган документтер менен таанышууга жана карап чыгууга укуктуу.
19. Талапкерге аукционго катышууга төмөнкүдөй учурларда жол берилбейт, эгерде:
- маалыматтык билдирүүдө көрсөтүлгөн тизме боюнча бардык документтер берилбесе, же тапшырылган документтер Мыйзамдын талаптарына дал келбесе;
- кепилдик взносту төккөндүгүн тастыктоочу төлөм документи жок болсо.
Комиссия төмөнкү учурларда талапкерди аукционго катыштырбай коюууга укуктуу:
- ушул Жободо белгиленген эрежелерди сактабаса;
- аукциондун тартипсиз катышуучусу катары көрсөткөн болсо: талапкер мурунку аукциондорго катышып жана аукциондун жыйынтыгында аукциондун жеңүүчүсү катары кол коюудан баш тартса.
20. Комиссиянын секретары аукционго катышуу үчүн талапкерлерден түшкөн билдирүүлөрдү каттоо ведомостун толтуруу менен талапкерлерди каттайт (2-тиркеме).
Комиссия билдирүүлөрдү карап чыккандан кийин талапкерлерди аукционго катыштырууга уруксат берүү чечимин чыгарат жана ал жөнүндө протокол түзүлөт. Протоколго кол коюуда комиссиянын мүчөлөрүнүн пикири "макулмун" же "каршымын" деген сөздөр менен билдирет. Ушул учурдан баштап талапкер аукциондун катышуучусу деген статусту алат.
3. Аукцион өткөрүү
21. Комиссиянын секретары 3-тиркемеге ылайык, аукцион башталганга чейин 1 (бир) саат мурун аукциондун катышуучуларын каттоо ведомостуна аукциондун катышуучуларын каттайт.
Каттоодон өткөн аукциондун катышуучусу төмөнкүлөрдү алат:
- аукциондун катышуучусунун номери менен табличканы;
- аукционду өткөрүү тартибинин текстин (N 4-тиркеме).
Аукциондун башталышында каттоодон өтпөгөн адам аукционго катыша албайт.
Тоорук процессинде катышуучу жеке номери ыйгарылган өзүнүн табличкасын гана пайдалана алат.
22. Каттоодон өткөн эгер экиден кем эмес катышуучу катышса аукцион өткөрүлө берет.
23. Тоорук аукционду өткөрүүнүн тартибине ылайык жүргүзүлөт (4-тиркеме).
24. Тоорук процессин аукционист жүргүзөт. Аукционистти комиссия өз мүчөлөрүнүн ичинен тандайт же башка жактан тартат. Эгер аукционистти башка тараптан тарса. Сатуучу кызмат көрсөтүү жөнүндө келишим түзөт жана өзүнүн атайын каражатынан төлөп берет.
25. Аукцион комиссиянын төрагасы тоорукту ачык деп жарыялагандан кийин башталат, андан кийин аукционду башкаруу аукционистке берилет. Аукционист аукционду комиссиянын катышуусунда, аукцион өткөрүү тартибине (4-тиркеме) ылайык жүргүзөт.
26. Аукциондун жүрүшүндө обьекттин старттык баасы аукционист тарабынан атайын кадамдар менен көбөйтүлөт. Соодалашуунун жүрүшүндө катышуучу аукциондун кадамына карабастан, обьектти менчиктештирүү үчүн аукционист айткан акыркы баага караганда жогорку бааны сунуштоого укуктуу. Мында башка катышуучулардын ар бир кийинки бааны сунуш кылуусу белгиленген кадамга ылайык ишке ашырылат.
27. Тооруктун жүрүшүндө менчиктештирүү объектиси үчүн эң жогорку бааны сунуш кылган катышуучу аукциондун жеңүүчүсү болуп калат.
28. Сатуучу аукционду өткөрүү датасы келгенге чейин кеминде үч күн мурда аукционго катышуучу талапкерлерге тийиштүү түрдө кабарлоо менен ар кандай учурда аукциондон баш тартууга укуктуу.
29. Аукциондун жыйынтыгы аукциондун жыйынтыгы жөнүндө комиссия тарабынан түзүлүүчү протоколдо чагылдырылат (5-тиркеме). Протоколдо Сатуучу жана аукциондун жеңүүчүсү, менчиктештирүү объектинин аталышы, объектинин старттык жана сатуу баасы жөнүндө маалыматтар көрсөтүлөт.
Протоколго жыйынга катышкан комиссия мүчөлөрү, аукционист жана аукциондун жеңүүчүсү кол коюшат жана Сатуучу бекитет.
Аукциондун жыйынтыгы жөнүндө протокол аукциондун жеңүүчүсүнүн аукциондун жыйынтыгы боюнча сатуу - сатып алуу келишимин түзүүгө укугун тастыктаган документ болот.
Аукциондун жеңүүчүсүнүн анын жыйынтыгын тастыктоодон баш тартышы объектти сатып алуудан баш тартуу катары каралат. Мындай учурда объектти сатып алуудан баш тарткан катышуучудан бир кадамга төмөнкү бааны сунуш кылган катышуучу жеңүүчү деп жарыяланат.
Объектти сатып алуудан баш тарткан катышуучудан бир кадамга төмөнкү бааны сунуш кылган катышуучу-аукциондун жеңүүчүсү 2 (эки) иш күндүн ичинде тооруктун протоколуна кол коюуга милдеттүү.
Аукциондун жыйынтыгы жөнүндө протоколго кол коюудан баш тарткан катышуучуга кепилдик взносу кайра берилбейт.
(7-абзац КР Өкмөтүнүн 2016-жылдын 25-августундагы № 458 токтомуна ылайык күчүн жоготту)
Протоколго кол коюудан качкан сатуучу аукциондун катышуучуларына кепилдик взносту кайтарып берүүгө жана тоорукту уткан жакка тоорукка катышуунун натыйжасында тарткан чыгымынын ордун толтуруп берүүгө милдеттүү.
(КР Өкмөтүнүн 2016-жылдын 25-августундагы № 458 токтомунун редакциясына ылайык)
29-1. Аукцион төмөнкү учурларда болгон жок деп таанылат:
- аукционго катышууга өтүнмөлөр берилбесе;
- талапкерлердин бирөө да аукционго катышууга киргизилбесе;
- аукционго катышууга бир талапкерге гана уруксат берилсе;
- аукционго киргизилген талапкерлердин бири да ага катышпаса;
- аукционго катышуу үчүн бир эле талапкер катталса.
Аукционду болгон жок деп таануу жөнүндө комиссиянын чечими протокол менен таризделет жана Сатуучу тарабынан бекитилет.
(КР Өкмөтүнүн 2016-жылдын 25-августундагы № 458 токтомунун редакциясына ылайык)
29-2. (КР Өкмөтүнүн 2019-жылдын 29-августундагы № 440 токтомуна ылайык күчүн жоготту)
30. Мамлекеттик мүлктү Сатуучу бүтүм жасалган күндөн кийин бир айлык мөөнөттө жалпыга маалымдоо каражаттарына мамлекеттик мүлк аукциондо сатылганы тууралуу маалыматты жарыялоого тийиш.
Мамлекеттик мүлктү менчиктештирүү боюнча бүтүмдү эсептөө мөөнөтү бул мүлккө менчик укугу Кыргыз Республикасынын жарандык мыйзамдарында белгиленген тартипте таризделген учурдан тартып аныкталат.
4. Сатып алуу-сатуу бүтүмдөрүн тариздөө
31. Аукциондун жыйынтыгы жөнүндө протокол бекитилгенден кийин Сатуучу менен аукциондун жеңүүчүсүнүн (мындан ары - Сатып алуучу) ортосунда мамлекеттик мүлктү сатып алуу-сатуу келишими түзүлөт.
Мамлекеттик мүлктү (кыймылсыз мүлк объекттери) сатып алуу-сатуу келишими Кыргыз Республикасынын мыйзамдарына ылайык нотариуста күбөлөндүрүлүүгө жана мамлекеттик каттоодон өтүүгө тийиш.
Акциялардын мамлекеттик пакетин сатып алуу-сатуу келишими баалуу кагаздар рыногу боюнча Кыргыз Республикасынын мыйзамдарында белгиленген тартипте катталууга тийиш.
32. Сатып алуу-сатуу келишимде төмөнкүлөр көрсөтүлөт:
- мүлктү Сатуучу жана Сатып алуучу жөнүндө маалыматтар;
- келишимдин предметин аныктоо;
- менчиктештирүү объекттери жөнүндө маалыматтар;
- сатып алынчу объекттин баасы;
- сатып алынган мүлк үчүн төлөм формасы жана мөөнөтү;
- өз ара макулдашуу боюнча мындай келишимде тараптар белгилеген башка шарттар.
33. Аукциондо сатып алынган мамлекеттик мүлк үчүн Сатып алуучу менен эсептешүү сатып алуу-сатуу келишиминде аныкталган мөөнөттө ишке ашырылат.
Келишим түзүүдөн баш тарткан учурда аукциондун жеңүүчүсү кепилдик взностун суммасында жоопкерчилик тартат.
(КР Министрлер Кабинетинин 2023-жылдын 18-сентябрындагы N 483 токтомуна ылайык күчүн жоготту)
(КР Министрлер Кабинетинин 2023-жылдын 18-сентябрындагы N 483 токтомунун редакциясына ылайык)
34. Мамлекеттик мүлккө, анын ичинде акциялардын мамлекеттик пакетине менчик укугу мамлекеттен аны сатып алуучуга Кыргыз Республикасынын жарандык мыйзамдарында жана мамлекеттик мүлктү сатып алуу-сатуу келишиминде белгиленген тартипте өтөт.
5. Бүтүмдөрдүн жараксыздыгынын шарттары жана талаш-тартыштарды чечүү
35. Ушул Жобону бузуу менен өткөрүлгөн аукцион сот тарабынан жараксыз деп табылышы мүмкүн.
Тоорукту жараксыз деп табуу тоорукта уткан жак менен түзүлгөн келишимдин жараксыздыгына алып келет.
36. Тараптардын ортосунда келип чыккан жана ушул Жобо менен жөнгө салынбаган талаш-тартыштар Кыргыз Республикасынын мыйзамдарына ылайык чечилет.
6. Акциялардын мамлекеттик пакетин баалуу кагаздар рыногунда сооданы уюштуруучулар аркылуу сатуу боюнча аукцион өткөрүүнүн өзгөчөлүктөрү
КР Өкмөтүнүн 2016-жылдын 25-августундагы № 458 токтомуна ылайык күчүн жоготту)
Кыргыз Республикасынын Өкмөтүнүн Аппарат жетекчиси – министр | Н.Момуналиев |
Аукциондо сатуу ыкмасы менен мамлекеттик менчикти менчиктештирүү жөнүндө жобого |
Аукционго катышууга
ТИПТҮҮ БИЛДИРҮҮ
(КР Министрлер Кабинетинин 2023-жылдын 18-сентябрындагы N 483 токтомунун редакциясына ылайык)
Билдирүүчү:
Жеке адамдар үчүн
Мен, ______________________________________________________________________________,
(фамилиясы, аты-жөнү)
__________________________________________________________________________________
(ким экенин тастыктаган документ: түрү, сериясы, номери,
__________________________________________________________________________________
ким тарабынан жана качан берилген)
__________________________________________________________________ дарегинде жашайм
(шаар, айыл, көчө, үй же батир №)
__________________________________________________________________________________
(жеке ишкерлер үчүн: ишкердик жүргүзүүчү жеке адамдын
__________________________________________________________________________________
мамлекеттик каттоо (кайра каттоо) жөнүндө күбөлүгүнүн
__________________________________________________________________________________
же патентинин реквизиттери)
Юридикалык жактар үчүн
Мен, _____________________________________________________________________________,
(фамилиясы, аты-жөнү)
__________________________________________________________________________________
(ким экенин билдирүүчү документтин түрү, сериясы, номери,
__________________________________________________________________________________
ким тарабынан жана качан берилген)
__________________________________________________________________________________
(юридикалык жактын толук аталышы,
__________________________________________________________________________________
дареги жана банктык реквизиттери)
______________________________________________________________________ атынан чыгып,
_________________________________________________ ишеним каттын негизинде иштөө менен
(ишеним каттын реквизиттери)
__________________________________________________________________________________
(аукцион өткөрүү орду жана убактысы)
______________________________ боло турган аукционго катышуу ниетим тууралуу билдирем.
Ушул ниетке ылайык мен тарабынан ________________ сом өлчөмүндө кепилдик взнос төлөндү. Аукциондо соодалашууда жеңип чыксам, төмөнкүлөргө милдеттенем:
- аукциондун жыйынтыгы жөнүндө протоколго кол коюуга;
- аукциондун жыйынтыгы жөнүндө протоколду Сатуучу бекиткенден кийин 10 күндөн кечикпеген мөөнөттө сатып алуу-сатуу келишимине кол коюуга;
- сатуучуга аукциондо сатып алынган мүлктүн наркын сатып алуу-сатуу келишиминде аныкталган мөөнөттөрдө төлөөгө;
- Кыргыз Республикасынын мыйзамдарына ылайык сатуучуга зарыл жыйымдарды төлөөгө.
Мен, соодалашуунун жеңүүчүсү болуп табылып жана аукциондун жыйынтыгы жөнүндө протоколго кийин кол коюудан же сатып алуу-сатуу келишимин түзүүдөн баш тарткан учурда төккөн кепилдик взностун суммасы кайтарылып берилбей жана Сатуучуда кала тургандыгына макулмун.
Сатып алуу-сатуу келишимине кол коюлганга чейин бул билдирүү аукциондун жыйынтыгы жөнүндө протокол менен бирге Сатуучу менен Сатып алуучунун ортосундагы келишимдин күчүнө ээ.
Бул арызга төмөнкүлөр тиркелет:
Юридикалык жактар үчүн:
- юридикалык жактын атынан чыгуу укугуна ишеним кат;
- уюштуруу документтеринин күбөлөндүрүлгөн копиялары;
- билдирүү берген күндөгү абал боюнча бардык деңгээлдеги бюджеттерге талапкердин салыктык төлөмдөрдөн карыздары жоктугун ырастаган салык органдарынан маалымдама;
- билдирүү берген күндөгү абал боюнча камсыздандыруу төлөмдөрүнөн талапкердин карыздары жоктугун ырастаган Кыргыз Республикасынын Министрлер Кабинетине караштуу Кыргыз Республикасынын Социалдык фондунан маалымкат;
- кепилдик взносту төккөндүгүн ырастоочу төлөм документинин копиясы.
Жеке адамдар үчүн кепилдик взносту төккөндүгүн ырастоочу төлөм документинин көчүрмөсү.
Билдирүүнү берүүдө талапкер паспортун өзү көрсөтөт.
Билдирүүчүнүн (ыйгарым укуктуу адамдын) колу: ____________________
20___-жылдын "___" ______________
Кабыл алынды ________________________________________________
(сатуучу тарабынан толтурулат)".
Аукциондо сатуу ыкмасы менен мамлекеттик менчикти менчиктештирүү жөнүндө жобого |
Аукционго катышуу үчүн талапкерди
КАТТОО ВЕДОМОСТУ
Ведомость таблица формасында түзүлөт. Бир катышуучу жөнүндө маалымат таблицанын бир сабын ээлейт. Таблицанын мамыларында төмөнкүдөй маалыматтар болот:
- катышуучунун категориясы - юридикалык жак жеке адам;
- жеке адамдын же юридикалык жактын ыйгарым укуктуу өкүлүнүн аты-жөнү, колу;
- ким экенин ырастоочу документтин түрү, сериясы, номери, берилген күнү жана жери;
- жеке ишкерлер үчүн: ишкердик менен алектенген жеке адамдын же мамлекеттик каттоо (кайра каттоо) жөнүндө күбөлүгүнүн же патентинин реквизиттери;
- юридикалык жактар үчүн: мамлекеттик каттоодон (кайра каттоодон) өткөнү жөнүндө күбөлүктүн аталышы, номери жана датасы, каттоодон өткөргөн органдын аталышы;
- дареги, телефону;
- кепилдик взносту кайра берүү үчүн банктык реквизиттери жана эсептин номери;
- кепилдик взносту төлөө датасы, төлөм тапшырмасынын мүнөзү жөнүндө маалымат;
- кепилдик взносту төлөө суммасы.
Аукциондо сатуу ыкмасы менен мамлекеттик менчикти менчиктештирүү жөнүндө жобого |
Аукционго катышуучуларды
КАТТОО ВЕДОМОСТУ
Ведомость таблица формасында түзүлөт. Бир катышуучу жөнүндө маалымат таблицанын бир сабын ээлейт. Таблицанын мамыларында төмөнкүдөй маалыматтар болот:
- катталган номери;
- аукциондун катышуучусунун табличкасынын номери;
- катышуучунун категориясы - юридикалык жак/жеке адам;
- жеке адамдын же юридикалык жактын ыйгарым укуктуу өкүлүнүн аты-жөнү, колу;
- ким экендигин ырастоочу документтин түрү, сериясы, номери, берилген күнү жана жери;
- жеке ишкерлер үчүн: ишкердик жүргүзүү менен алектенген жеке адамдын мамлекеттик каттоо (кайра каттоо) жөнүндө күбөлүгүнүн же патентинин реквизиттери;
- юридикалык жактар үчүн: мамлекеттик каттоодон (кайра каттоодон) өткөндүгү жөнүндө күбөлүктүн аталышы, номери жана датасы, каттоодон өткөргөн органдын аталышы.
Аукциондо сатуу ыкмасы менен мамлекеттик менчикти менчиктештирүү жөнүндө жобого |
Аукцион өткөрүү
ТАРТИБИ
1. Аукционду комиссиянын катышуусунда аукционист өткөрөт. Тоорук башталаар алдында аукционист аукцион өткөрүүнүн эрежеси жана жол-жобосу менен катышуучуларды тааныштырат. Аукциончу менчиктештирүү объектисинин аталышын жарыялайт, аны кыскача мүнөздөйт, аукциондун кадамдарынын өлчөмдөрүн жарыялайт.
2. Аукционист менчиктештирүү объектисинин старттык баасын жана баанын көбөйүү кадамын жарыялайт. Катышуучулар өз номерлерин көтөрүү менен сунуш кылынган баа боюнча объектти сатып алууга даяр экендиктерин билдиришет. Эгер эки же андан көп катышуучу өз номерлерин көтөрүшсө, аукционист бааны бир кадамга жогорулатат. Аукционист бааны ушул объекти сатып алууга даяр экендигин билдирген бир эле катышуучу калганга чейин жогорулата берет. Аукционист акыркы бааны үч жолу кайталайт.
Эгерде акыркы бааны үч жолу кайталагандан кийин катышуучулардын эч кимиси ошол объектти сатып алууну каалаганын билдирбесе, аукционист балканы уруп, объект номерди көтөргөн катышуучуга сатылаарын жарыялайт. Бул катышуучу аукциондун жеңүүчүсү болуп калат.
3. Аукциондун жеңүүчүсү болуп номери жана ал сунуштаган баа аукционист тарабынан акыркы айтылган аукциондун катышуучусу саналат.
4. Аукционист мүлктүн сатылгандыгы жөнүндө жарыялайт, сатылган мүлктүн баасын жана жеңүүчүнүн номерин айтат.
5. Аукциондун жеңүүчүсү сунуштаган мүлктүн баасы аукциондун жыйынтыгы жөнүндө протоколго жазылат, ага комиссиянын мүчөлөрү, аукционист жана аукциондун жеңүүчүсү кол коет.
Аукциондо сатуу ыкмасы менен мамлекеттик менчикти менчиктештирүү жөнүндө жобого |
Аукциондун жыйынтыгы жөнүндө типтүү
ПРОТОКОЛ
201__-жылдын "__"_____________ N _____________
Сатуучу: _______________________________________________________________
(мамлекеттик мүлктү башкаруу чөйрөсүндөгү
_______________________________________________________________________
ыйгарым укуктуу мамлекеттик органдын бөлүгүнүн аталашы)
Тоорук болду:
Өткөрүлгөн жери: _______________________________________________________
Төмөнкү курамдагы комиссия:
Төрага: ________________________________________________________________
Комиссия мүчөлөрү: ____________________________________________________
Акциялардын пакеттерине тооруктун жыйынтыгы
Объекттин (акционердик коомдун) аталышы _______________________________
Тоорукка коюлуучу акциялардын мамлекеттик пакетинин өлчөмү
______________________________________________________________________
N | Акциялардын мампакетинин өлчөмү % | Акциялардын саны, даана | Старттык баасы (сом) | Сатуу баасы (сом) | Жеңүүчү, табличканын N катышуучунун аты-жөнү |
Жыйынтыгы:
Аукцион өткөрүүнүн натыйжасында _____________________ акционердик коомунун акцияларынын мамлекеттик пакети ___________________% өлчөмүндө төмөнкү катышуучуга сатылды:
жеке адам үчүн:
_______________________________________________________________________
(фамилиясы, аты-жөнү)
_______________________________________________________________________
(ким экендигин ырастоочу документ: түрү, сериясы, номери,
______________________________________________________________________,
ким тарабынан жана качан берилген)
_______________________________________________________________________
(жеке ишкерлер үчүн: ишкердик жүргүзүү менен алектенген
_______________________________________________________________________
жеке адамды же патентти мамлекеттик каттоо
_______________________________________________________________________
(кайра каттоо) жөнүндө күбөлүктүн же патенттин реквизиттери
юридикалык жактар үчүн:
_______________________________________________________________________
(юридикалык жактын аталышы)
_______________________________________________________________________
(юридикалык жактын өкүлүнүн фамилиясы, аты-жөнү)
_______________________________________________________________________
(ким экендигин ырастоочу документ: түрү, сериясы, номери, ким
_______________________________________________________________________
тарабынан жана качан берилген)
аукциондун катышуучусунун табличкасынын номери ________________________
Колдору: ______________________________________________________________
Төрага: _______________________________________________________________
Комиссия мүчөлөрү: ___________________________________________________
Тооруктун жеңүүчүсү: __________________________________________________
Менчиктештирүүнүн башка объекттерине тооруктун натыйжасы
Объекттин аталышы ________________________________________________
N | Старттык баасы (сом) | Сатуу баасы (сом) | Жеңүүчү, катышуучунун табличкасынын N аты-жөнү |
Жыйынтыгы:
Аукцион өткөрүүнүн натыйжасында менчиктештирүү объекти:
___________________________________________________ төмөнкү катышуучуга сатылды
жеке адам үчүн:
_______________________________________________________________________
(аты-жөнү)
_______________________________________________________________________
(ким экендигин ырастоочу документ: түрү, сериясы, номери,
_______________________________________________________________________
ким тарабынан жана качан берилген)
_______________________________________________________________________
(жеке ишкерлер үчүн: ишкердик жүргүзүү менен алектенген жеке
_______________________________________________________________________
адамды же патентти мамлекеттик каттоо
_______________________________________________________________________
(кайра каттоо) жөнүндө күбөлүктүн же патенттин реквизиттери)
юридикалык жактар үчүн:
______________________________________________________________________
(юридикалык жактын аталышы)
_______________________________________________________________________
(юридикалык жактын өкүлүнүн (фамилиясы, аты-жөнү)
_______________________________________________________________________
(ким экендигин ырастоочу документ: түрү, сериясы, номери,
_______________________________________________________________________
ким тарабынан жана качан берилген)
Аукциондун катышуучусунун табличкасынын номери ________________________
Колдору: _______________________________________________________________
Төрага: ________________________________________________________________
Комиссия мүчөлөрү: _____________________________________________________
Тооруктун жеңүүчүсү: ____________________________________________________
Эскертүү:
1. Протокол тараптардын ар бири үчүн бирден (комиссия жана тооруктун жеңүүчүсү) эки нускада түзүлөт.
2. Аукцион процессинде тооруктун шарттары өзгөртүлсө бул жөнүндө маалымат аукциондун жыйынтыгы жөнүндө протоколго жазылууга тийиш жана шарты өзгөртүлгөн тоорук жөнүндө маалымат ушул протоколдо чагылдырылышы керек.