Бишкек шаары, Өкмөт Үйү

2005-жылдын 6-августу N 362

               КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

               Кыргыз Республикасынын аймагында убакытты

                      эсептөөнүн тартиби жөнүндө

     Кыргыз Республикасынын аймагында убакытты эсептөөнү тартипке  кел-

тирүү максатында, Кыргыз Республикасы Орто Азия регионунда "жайкы" уба-

кытты киргизүү жана жоюу практикасын колдонгон бирден-бир  өлкө  катары

калгандыгын, ошондой эле саатты которуу республиканын калкынын ден соо-

лугуна терс таасир тийгизе тургандыгын эске алуу менен Кыргыз Республи-

касынын Өкмөтү токтом кылат:

     1. Кыргыз Республикасынын аймагында "жайкы" убакытты киргизүү жана

алып салуу практикасы жоюулсун.

     2. Кыргыз Республикасынын аймагында убакытты эсептөө 1 саатка  ал-

как  убактысынан алдыга озуу менен сааттык алкактардын эл аралык систе-

масы боюнча жүргүзүлө тургандыгы белгиленсин, бул 2005-жылдын 27-марты-

нан тартып колдонулуучу убакытты эсептөөгө дал келет.

     3. Кыргыз Республикасынын Улуттук стандарттар жана метрология инс-

титутуна  1992-жылдын 9-октябрындагы "Убакытты жана жыштыкты өлчөө бир-

дигин камсыз кылуу боюнча  кызматташтык  жөнүндө  макулдашууга"  ылайык

Кыргыз    Республикасынын   аймагында   убакытты   эсептөө   тартибинин

өзгөргөндүгү жөнүндө макулдашуунун бардык  катышуучуларына  2005-жылдын

15-сентябрына чейинки мөөнөттө билдирүү жиберүү сунушталсын.

     4. Бул токтом жалпыга маалымдоо каражаттарында жарыялансын.

     5. "Кыргыз  Республикасынын аймагында "жайкы" убакытты киргизүүнүн

жана  жоюунун  бирдиктүү  мөөнөттөрү  жөнүндө"  Кыргыз  Республикасынын

Өкмөтүнүн  1999-жылдын  26-февралындагы N 107 токтому күчүн жоготту деп

табылсын.

     6. Бул токтом расмий жарыяланган күндөн тартып күчүнө кирет.

     7. Бул токтомдун  аткарылышын  контролдоо  Кыргыз  Республикасынын

Премьер-министринин Аппаратынын экономика,  өнөр жай жана соода башкар-

малыгына жүктөлсүн.

     Биринчи вице-премьер-министрдин

     милдетин аткаруучу                              Ф.Кулов