КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

Бишкек шаары, Өкмөт Үйү, 2006-жылдын 3-апрели N 217

Кыргыз Республикасында баалоо иш-аракеттеринин баардык субъектилери милдеттүү түрдө колдонуучу мүлктү баалоонун стандарттарын бекитүү жөнүндө

(КР Өкмөтүнүн 2014-жылдын 28-октябрындагы № 619, 2016-жылдын 15-ноябрындагы № 593 токтомдорунун редакцияларына ылайык)

Кыргыз Республикасында баалоо иш-аракеттерин өнүктүрүү максатында Кыргыз Республикасынын Өкмөтү токтом кылат:

1. Кыргыз Республикасында баалоо иш-аракеттерин бардык субъектилер милдеттүү түрдө колдонуучу мүлктү баалоонун стандарттары бекитилсин:

- Балоонун негизги түшүнүктөрүнүн жана принциптеринин стандарты;

- Бизнести баалоо стандарты;

- (4-абзац КР Өкмөтүнүн 2016-жылдын 15-ноябрындагы № 593 токтомуна ылайык күчүн жоготту)

- Кыймылсыз мүлктү баалоо стандарты;

- Баалоо жөнүндө отчеттун мазмунуна жана аны тариздөөгө талаптар стандарты;

- (7-абзац КР Өкмөтүнүн 2016-жылдын 15-ноябрындагы № 593 токтомуна ылайык күчүн жоготту)

- материалдык эмес активдерди жана интеллектуалдык менчик объекттерин баалоо стандарты;

- кыймылдуу мүлктү баалоонун стандарттары.

(КР Өкмөтүнүн 2014-жылдын 28-октябрындагы № 619, 2016-жылдын 15-ноябрындагы № 593 токтомдорунун редакцияларына ылайык)

2. Күчүн жоготту деп табылсын:

- "Кыргыз Республикасында баалоо иш-аракеттеринин субъектилери сөзсүз колдонуучу баалоо стандарттарын бекитүү жөнүндө" Кыргыз Республикасынын Өкмөтүнүн 2002-жылдын 10-ноябрындагы N 743 токтому;

- "Кыргыз Республикасында баалоочулардын жана баалоочу уюмдардын иш-аракеттерин өнүктүрүү жөнүндө" Кыргыз Республикасынын Өкмөтүнүн 2003-жылдын 21-августундагы N 537 токтому менен бекитилген Кыргыз Республикасында баалоочулардын жана баалоо уюмдарынын иш-аракеттеринин убактылуу эрежелеринин 4 жана 13-пункттары.

3. Бул токтомдун аткарылышын контролдоо Кыргыз Республикасынын Премьер-министринин аппаратынын экономикалык өнүктүрүү башкармалыгына жүктөлсүн.