КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2018-жылдын 22-майы № 244

"2018-жылдын 2-февралында Алматы шаарында кол коюлган Евразия экономикалык бирлигинде товарларды идентификациялоо каражаттары менен маркалоо жөнүндө макулдашууну ратификациялоо тууралуу" Кыргыз Республикасынын Мыйзамынын долбоору жөнүндө

Кыргыз Республикасынын Конституциясынын79-беренесине жана 80-беренесинин 2-бөлүгүнө, "Кыргыз Республикасынын эл аралык келишимдери жөнүндө" Кыргыз Республикасынын Мыйзамына жана "Кыргыз Республикасынын Жогорку Кеңешинин Регламенти жөнүндө" Кыргыз Республикасынын Мыйзамынын68-беренесинеылайык, мамлекеттик ички жол-жоболорду аткаруу максатында Кыргыз Республикасынын Өкмөтү

ТОКТОМ КЫЛАТ:

1. Тиркелгендер жактырылсын:

- "2018-жылдын 2-февралында Алматы шаарында кол коюлган Евразия экономикалык бирлигинде товарларды идентификациялоо каражаттары менен маркалоо жөнүндө макулдашууну ратификациялоо тууралуу" Кыргыз Республикасынын Мыйзамынын долбоору;

- 2018-жылдын 2-февралында Алматы шаарында кол коюлган Евразия экономикалык бирлигинде товарларды идентификациялоо каражаттары менен маркалоо жөнүндө макулдашууга Кыргыз Республикасынын Өкмөтүнүн корутундусу.

2. Аталган мыйзам долбоору Кыргыз Республикасынын Жогорку Кеңешинин кароосуна киргизилсин.

3. Кыргыз Республикасынын Жогорку Кеңешинен аталган мыйзам долбоорун кечиктирилгис катары кезексиз тартипте кароо суралсын.

4. Кыргыз Республикасынын Экономика министри, Кыргыз Республикасынын Өкмөтүнө караштуу Мамлекеттик салык кызматынын төрагасы жана Кыргыз Республикасынын Өкмөтүнө караштуу Мамлекеттик бажы кызматынын төрагасы бул мыйзам долбоорун Кыргыз Республикасынын Жогорку Кеңеши караган учурда Кыргыз Республикасынын Өкмөтүнүн расмий өкүлдөрү болуп дайындалышсын.

Долбоор

КЫРГЫЗ РЕСПУБЛИКАСЫНЫН МЫЙЗАМЫ

2018-жылдын 2-февралында Алматы шаарында кол коюлган Евразия экономикалык бирлигинде товарларды идентификациялоо каражаттары менен маркалоо жөнүндө макулдашууну ратификациялоо тууралуу

1-берене.

2018-жылдын 2-февралында Алматы шаарында кол коюлган Евразия экономикалык бирлигинде товарларды идентификациялоо каражаттары менен маркалоо жөнүндө макулдашуу ратификациялансын.

2-берене.

Кыргыз Республикасынын Тышкы иштер министрлиги Евразия экономикалык комиссиясына аталган Макулдашуунун күчүнө кириши үчүн зарыл болгон мамлекеттик ички жол-жоболор Кыргыз Республикасы тарабынан аткарылгандыгы жөнүндө кабарласын.

3-берене.

Ушул Мыйзам расмий жарыяланган күндөн тартып он күн өткөндөн кийин күчүнө кирет.

2018-жылдын 2-февралында Алматы шаарында кол коюлган Евразия экономикалык бирлигинде товарларды идентификациялоо каражаттары менен маркалоо жөнүндө макулдашууга Кыргыз Республикасынын Өкмөтүнүн
 КОРУТУНДУСУ

Улуттук жана эл аралык мыйзамдардын ченемдерине жүргүзүлгөн талдоонун жыйынтыгы боюнча 2018-жылдын 2-февралында Алматы шаарында кол коюлган, Евразия экономикалык бирлигинде товарларды идентификациялоо каражаттары менен маркалоо жөнүндө макулдашуу (мындан ары - Макулдашуу) жалпысынан Кыргыз Республикасынын Конституциясынын ченемдерине жана Кыргыз Республикасынын мыйзамдарына шайкеш келет, Кыргыз Республикасы катышуучу болуп саналган, мыйзамда белгиленген тартипте күчүнө кирген эл аралык келишимдердин ченемдерине карама-каршы келбейт.

Макулдашуу белгиленген тартипте кол коюлганга чейин Кыргыз Республикасынын Жогорку Кеңешинин Эл аралык иштер боюнча комитети, Экономикалык жана фискалдык саясат комитети менен макулдашуу жол-жоболорунан өткөн, ошондой эле Кыргыз Республикасынын Өкмөтүнүн 2018-жылдын 17-январындагы № 10-б буйругу менен жактырылган. Макулдашууга 2018-жылдын 2-февралында Казакстан Республикасынын Алматы шаарында өткөн Евразия өкмөттөр аралык кеңешинин жыйынында Кыргыз Республикасынын Премьер-министри тарабынан кол коюлган.

Макулдашуу товарларды Евразия экономикалык бирлигинин алкагында бирдейлештирген идентификациялоо каражаттары менен маркалоо тартибин аныктайт. Идентификациялык каражаттар менен маркалоого тийиш болгон товарлардын тизмеси Евразия экономикалык комиссиясынын Кеңешинин чечими менен бекитилет.

Белгиленген Макулдашуунун аракеттери маркалоо киргизүү жөнүндө чечим кабыл алынган товарларды өндүргөн жана жүгүрткөн жеке ишкерлерге жана юридикалык жактарга, ошондой эле идентификациялоо каражаттарын жана (же) идентификациялоо каражаттарын камтыган материалдык алып жүрүүчүлөрдү даярдоону жана (же) генерациялоону жана (же) сатууну ишке ашырган Евразия экономикалык бирлигине мүчө мамлекеттердин мамлекеттик органдарына жана уюмдарына жайылтылат.

Макулдашууну ишке ашыруу контрафакттык продукциялардын өндүрүшүнө, ошондой эле аларды Евразия экономикалык бирлигинин бажы аймагына контрабандалык ташып киргизүүгө бөгөт коюу боюнча иштерди чыңдоого мүмкүндүк берет, ошону менен көмүскө экономиканын үлүшү төмөндөйт.

Макулдашууну ишке ашыруу Кыргыз Республикасынын ишке тартылган мамлекеттик органдары жана мекемелери үчүн тийиштүү жылга мамлекеттик бюджеттен каралган каражаттардын чегинде же инвесторлордун каражаттарынын эсебинен жүргүзүлөт.

Бул Макулдашууну ратификациялоо кандайдыр бир социалдык, укуктук, укук коргоочулук, гендердик, экологиялык жана коррупциялык кесепеттерге алып келбейт.