Түркия менен Кыргызстандын ортосундагы соода-экономикалык кызматташтык жана соода тармагын өнүктүрүү жөнүндө

Новости
19-Январь 2024-ж.
1204

2024-жылдын 18-январында Кыргыз Республикасынын Экономика жана коммерция министрлигинин Түркия Республикасындагы Соода өкүлү Чыңгыз Токтобеков Түркиянын Казына жана каржы министринин орун басары, Түркиянын ЭКСИМБАНКынын төрагасы Осман Челик менен жолугушту.

Жолугушуунун жүрүшүндө соода өкүлү Ч.Токтобеков Түркия менен Кыргызстандын ортосунда соода-экономикалык кызматташтык жана тыгыз соода тармагы өнүгүп жатканын белгиледи. Ал ошондой эле эки өлкөнүн ортосунда бизнес жүргүзгөн ири компанияларга жана ишкерлерге акча которуу маселеси боюнча маалымат берди. Ал биргелешкен долбоорду ишке ашыруу боюнча бир катар сунуштарды киргизди. Анын ичинде Кыргызстанда жеңилдетилген насыялар боюнча түрк банктарынын бөлүмдөрүн ачуу да камтылган.

Өз кезегинде министрдин орун басары О.Челик эки өлкөнүн кызматташтыгы үчүн ыраазычылык билдирди. Ал соода-экономикалык чөйрөдө биргелешкен долбоорлордун үстүндө иштөөгө даярдыгы тууралуу маалымат берди. Ал ошондой эле Түркиянын инвестициялык фонду менен кызматташуу зарылдыгын белгиледи.

Бул жолугушуунун алкагында, күтүлгөндөй, жакынкы аралыкта Стамбулда Түркиянын ЭКСИМБАНКынын башкы директору Али Гүней жана Соода жана өнүктүрүү банкынын башкы директорунун орун басары, Түркиядагы өкүлү  Ахмет Тутар менен жолугушуу пландалууда.

Предложения по улучшению сайта
Онлайн кайрылуу