2023-жылдын 23-ноябрында Кыргыз Республикасынын Экономика жана коммерция министрлигине караштуу “Халал индустриясын өнүктүрүү борбору” мамлекеттик мекемесинин өкүлдөрү “Кыргызстан – конфессиялар аралык тынчтыктын жана ынтымактын өлкөсү” аттуу эл аралык конференцияга катышты. 22-24-ноябрь күндөрү Бишкек шаарында өтөт.

Конференция конфессиялар аралык кызматташтыкты өнүктүрүүгө байланышкан маанилүү маселелерди талкуулоо жана чечүү жолдорун табуу, түрдүү диний жана маданий топтордун ортосундагы өз ара түшүнүшүүгө жана сыйлоого көмөктөшүү, ошондой эле ислам экономикасынын коомдогу ролу ж.б.у.с. максатында уюштурулууда.

 Пленардык талкуунун алкагында борбордун директору Алмаз Кайырбеков өлкө экономикасын өнүктүрүүдө халал индустриясын өнүктүрүүнүн маанисине токтолду.

Директордун орун басары Алмаз Усонгул уулу “Кыргыз Республикасында адал индустриясын өнүктүрүү – жакырчылыктан чыгуунун куралы” деген темада баяндама жасады.

Кыргызстандын экономикалык өнүгүүсүнүн заманбап чакырыктарынын шартында адал индустриясын өнүктүрүү жакырчылыктан чыгуунун негизги куралы болуп санала тургандыгын белгилей кетүү маанилүү. Бул стратегия региондук жана жергиликтүү экономикалык потенциалды чыңдоого гана жардам бербестен, адамдардын жашоо сапатын жакшыртууга мүмкүндүк берген туруктуу жана адилеттүү жумуш орундарын түзүүгө көмөктөшөт.

 Халал (адал) индустриясы ислам стандарттарына жооп берген тамак-аш азыктарын өндүрүүнү гана эмес, каржы, туризм жана башка тармактарды да камтыйт. Бул аймактарды өнүктүрүү жергиликтүү экономиканы чыңдоого, жаңы жумуш орундарын түзүүгө жана бизнес мүмкүнчүлүктөрүн кеңейтүүгө жардам берет.

Кыргыз Республикасынын Экономикалык Комиссиясына караштуу “Халал индустриясын өнүктүрүү борбору” мамлекеттик мекемеси конференциянын уюштуруучуларына Кыргызстандагы түрдүү коомчулуктардын тынч жана өз ара пайдалуу жанаша жашоосу үчүн шарттарды түзүүгө багытталган маселелерди талкуулаганы үчүн ыраазычылык билдирет.