2023-жылдын 16-ноябрынан 19-ноябрына чейин Кыргыз Республикасынын Түркия Республикасындагы Соода өкүлчүлүгү Кыргыз Республикасынын Түркия Республикасындагы Элчилиги менен биргеликте «TRAVELEXPO Ankara» туризм боюнча көргөзмөсүнө катышты.
Бул көргөзмөнүн негизги максаты туризм тармагында жаңы перспективаларды ачууга умтулган туризм тармагындагы адистерди бириктирүү болуп саналат. Көргөзмөнүн алкагында Кыргыз Республикасынын туристтик потенциалы жөнүндө маалымат таратылды, туризм жөнүндө жарнамалык материалдар сунушталды, Кыргызстандагы туризмдин ар кандай түрлөрү боюнча видеороликтер көрсөтүлдү.