2023-жылы 1-ноябрда Кыргыз Республикасынын Экономика жана коммерция министрлигине караштуу Стандартташтыруу жана метрология борборунун директору Болот Нурматов Сауд Аравия Королдугунун  Мекке Аль-Муккарама шаарында (SMIIC) Ислам өлкөлөрүнүн Стандарттар жана метрология институтунун Башкы ассамблеясынын 18-жыйынына катышты. 

Жыйындын жүрүшүндө стратегиялык документтер жана маселелер каралды:

  - Башкы катчынын отчеттук мезгил үчүн отчету;

- аймактар боюнча Кеңештердин ишинин натыйжалары;

- техникалык иш-чаралар:

А) стандартташтыруу боюнча кеңеш;

В) Метрология боюнча кеңеш;

В) аккредитациялык кеңеш;

- тышкы финансылык аудитордун жыйынтыгы боюнча ММИИКтин Башкы катчылыгынын жыл үчүн (2022-жылдын 31-декабрына чейин) отчетун берүү/бекитүү;

- 2024-жылга СМИИКтин бюджетин сунуштоо/бекитүү;

- 2024-жылга SMIIC бюджетине катышуучу-өлкөлөрдүн жылдык милдеттүү төлөмдөрүн сунуштоо/бекитүү.

Мындан тышкары, SMIIC Башкы Ассамблеясынын алкагында Сауд Арабиянын Стандарттар, метрология жана сапат уюму (SASO) менен Кыргыз Республикасынын Экономика жана коммерция министрлигине караштуу Стандартташтыруу жана метрология борборунун(СМБ)  ортосунда кол коюлган Меморандумду ишке ашыруу боюнча иш-чаралар планына кол коюлду.

Планга Кыргызстандарттын директору Б.Нурматов жана САСОнун губернатору доктор Саад О.Аль-Касаби кол коюшту.

SMIICке катышуу Сизге Кыргыз Республикасында адал продуктылар жана кызмат көрсөтүүлөр боюнча SMIIC стандарттарын алууга жана колдонууга мүмкүндүк берет, анын ичине: тамак-аш азыктары, косметика, коомдук тамактануу кызматтары, мейманкана кызматтары, туристтик кызматтар, ошондой эле адал азыктарын сыноо лабораторияларын сертификациялоо боюнча органдарга талаптар жана кызматтар кирет.