КР ЭКМдин соода өкүлчүлүгүнүн жер семирткичтерин чыгаруучу заводду куруу маселеси жөнүндө

Новости
31-Октябрь 2023-ж.
1344

Кыргыз Республикасынын Экономика жана коммерция министрлигинин Түркиядагы соода өкүлчүлүгү Түркиянын MKV BİLİŞİM компаниясынын Кыргыз Республикасынын Айыл чарба министрлигинин жетекчилиги менен өсүмдүк жер семирткичтерин чыгаруучу заводдун курулушу боюнча жолугушуусун уюштурду.

Жыйынга Айыл чарба министринин орун басары Маил Алияскаров, Өсүмдүктөрдү коргоо жана карантинди химиялаштыруу департаментинин директору Дыйканбай Кенжебаев жана КР ЭКМнин ТРдеги соода өкүлү Чыңгыз Токтобеков катышты.

Жыйындын жүрүшүндө Айыл чарба министрлигинин өкүлдөрү Түркиянын MKV Bilişim компаниясынын өкүлдөрүнө жылына керектүү жер семирткичтердин саны жана сапаты боюнча маалымат беришти. Ошондой эле, Кыргыз Республикасы өсүмдүктөр үчүн жер семирткичтерди башка өлкөлөрдөн сатып алып жатканы айтылды. Түрк компаниясы республиканын айыл маданиятын өнүктүрүү үчүн жер семирткичтерди жана керектүү заттарды чыгаруучу заводду курууну сунуш кылган.

Андан ары тараптар түркиялык компания сунуштаган долбоорлорду иштеп чыгууга макулдашышып, Айыл чарба министрлиги Анкарадагы түрк жер семирткичтерди чыгаруучу заводдоруна барууга чакыруу алды.

Маалымат иретинде:

  MKV Bilişim маркалоо жана мониторинг системаларын иштеп чыгат: бул ветеринардык жана тамак-аш азыктарынын мамлекеттик маалымат тутумунун маалымат базасына маалыматты автоматтык түрдө даярдоо менен маркировкалоо, стерилдөө жана агрегациялоо үчүн комплекстүү программалык-аппараттык чечимдер болуп эсептелет. Компаниянын жылдык чыгаша бюджети 2 миллион долларды түзөт.

Предложения по улучшению сайта
Онлайн кайрылуу