2023-жылдын 2-октябрында Экономика жана коммерция министрлигинин чоң залында улгайган адамдардын күнү салтанатуу белгиленди. Министрликте өмүр бою иштеп, экономиканын өнүгүшүнө салмактуу салымын кошкон эмгек ардагерлери залдын көркүнө көрк кошушту. Ардактуу эс алууга чыгышса да, алар жаштарга акыл-насаатын, кеп-кеңешин айтып келишет.
Бүгүнкү улгайган адамдардын күнүнө арналган иш-чарада эмгек ардагерлерин куттуктап, КР экономикка жана коммерция министринин орун басары Айнура Усенбекова мына буларга токтолду: “ « Урматтуу биздин улуу кесиптештер!
Сиздерди Кыргыз Республикасынын Экономика жана коммерция министрлигинин, министрдин атынан жана жеке өзүмдүн атымдан Эл аралык карылар күнү менен куттуктап кетүүгө уруксат этиңиздер!
Эл аралык карылар күнү 1-октябрда белгиленет. Бул күн Кыргызстанда жыл сайын белгиленет. Сиздерге – гумандуулуктун, акылмандыктын, баатырдыктын жана туруктуулуктун үлгүсү болгон улуу курбуларыбызга ыраазычылык сөздөрүн айтып, баарыбыз үчүн өзгөчө күн болгон “алтын доордун” майрамын салттуу түрдө белгилейбиз.
Сиздер, улуу муундун жарандары, билим жана тажрыйба алып жүрүүчүсүңөр. Сиздер республиканын өнүгүшүнө өзгөчө салым коштуңуздар жана бүгүнкү күндө коомдук турмушка активдүү катышып, материалдык байлыктын олуттуу бөлүгүн жаратуучуларсыздар, өлкөнүн маданиятынын байлыгын сактап, көбөйтүп, жаш муундарга өткөрүп бересиздер! Сиздер биздин руханий жана адеп-ахлактык баалуулуктарыбыздын сакчыларысыздар, муундардын байланышын жана ынтымагын камсыз кылып келесиздер.
Улгайган адамдар көбүнчө жакындарынан, коомдон жана мамлекеттен өзгөчө камкордукка муктаж экенин баарыбыз түшүнөбүз. Улгайган жарандарга карата мамлекеттик саясат улуттук мыйзамдарга ылайык жүзөгө ашырылат.
Негизги милдеттердин бири социалдык колдоонун даректүүлүгүн күчөтүү жана калктын эң муктаж топторуна жардам көрсөтүү үчүн финансылык жана материалдык ресурстарды топтоо болуп саналат.
Белгилүү болгондой, өлкөнүн Президенти С.Н. Жапаров “2023-жылдын 1-октябрынан тартып пенсиянын камсыздандыруу бөлүктөрүнүн өлчөмүн индексациялоо жөнүндө” Жарлыкка кол койду. Бул жылы пенсиянын камсыздандыруу бөлүгү 1,38 өлчөмүндө же 38%га көбөйүүдө.
Сиздердин көпчүлүгүңүздөр менен иштешкенибизге сыймыктанабыз! Сиздер тартуулаган баа жеткис тажрыйба, жөндөм, жөндөм жана билимдер бизге мамлекет тарабынан жүктөлгөн милдеттерди аткарууга жардам берет!
Татыктуу пенсияга чыккандарды же ишин улантып жаткандардын баарын ушул майрам менен дагы бир жолу куттуктап кетүүгө уруксат этиңиздер.”
Андан ары министрдин орун басары А.Усенбекова өз кезегинде ак кызматын өтөп, ардактуу эс алууга чыккан эмгек ардагерлерине ыраазычылык кат тапшырды. Бул күнкү иш-чарада көп жылдар бою экономика министринин орун басары болуп иштеген Жаңыл Түмөнбаева, Кыргыз Республикасынын Өнөр жай экономикасынын текстиль, жеңил, кагаз жана чектеш тармактарынын жана кызмат көрсөтүү чөйрөсүнүн кызматкерлеринин кесиптик бирлигинин төрайымы Алмаш Жаркынбаева, Мамлекеттик тил бөлүмүнүн башчысы болуп көп жылдар эмгектенген Айгүл Кожоева бүгүнкү иш-чараны уюштургандыгы үчүн ыраазычылык билдиришти. Расмий иш-чара бүткөн соң эмгек ардагаерлери эстелик сүрөткө түшүштү.
Иш чаранын соңунда Кыргыз Республикасынын маданиятына эмгек сиңирген ишмер Рахманберди Жапаров келген меймандарга уккулуктуу ыр-күүлөрүн тартуулады.
