2023-жылдын 21-сентябрында Кыргыз Республикасынын Экономика жана коммерция министрлигинин аянтында министрдин орун басары Назарбек Малаев менен Санкт-Петербург Тышкы байланыштар боюнча комитеттин төрагасы Евгений Григорьевдин жолугушуусу болуп өттү.
Жолугушууда министрдин орун басары Н.Малаев россиялык тарапка жолугушууну өткөрүү демилгеси үчүн ыраазычылык билдирип, 2023-жылдын 21-сентябрында Бишкек шаарында. Илимий-техникалык жана маданий кызматташтык, ошондой эле эки тарапты соода-экономикалык маселелер боюнча өкмөттөр аралык Кыргыз-Санкт-Петербург биргелешкен комиссиясынын он экинчи отурумунун протоколуна кол коюулары менен куттуктады.
Жолугушууда тараптар соода, өнөр жай жана туризм тармагындагы кызматташуу маселелерин көтөрүштү. Министрдин орун басары Н.Малаев кыргыз тараптын соода-экономикалык кызматташтыкты арттырууга зор кызыгуусу бар экенин, анын ичинде Санкт-Петербург шаарында Кыргыз Республикасынын соода павильондорун (соода үйлөрүн) ачуу, коммерциялык маселелер, Россия Федерациясынын чекене соода түйүндөрүнө Кыргызстандын продукциясын жеткирүү боюнча, ошондой эле электрондук соода-сатык боюнча өз ара аракеттенүү мүмкүнчүлүгүн белгиледи.
Министрдин орун басары ошондой эле фармацевтика, жүндү кайра иштетүү, айыл чарба продукциясын экспорттоо жаатындагы кызматташтыкты өнүктүрүүнү белгиледи.
Санкт-Петербург шаарынын тышкы байланыштар боюнча комитетинин төрагасы Е.Григорьев өз кезегинде кыргыз тарапка меймандостугу үчүн ыраазычылык билдирип, Санкт-Петербург тарап бардык белгиленген багыттар боюнча кызматташууну өнүктүрүүгө даяр экендигин билдирди.
Мындан тышкары, Орусия тарап соода-экономикалык жана айыл чарба потенциалын жогорулатуу максатында Кыргызстандын продукциясын Санкт-Петербург шаарына экспорттоого кызыкдар экенин билдирди.
Бул максаттарда россиялык тарап Санкт-Петербургдагы соода түйүндөрүнө кыргыз продукциясын мүмкүн болуучу ташып жеткирүү үчүн Кыргыз Республикасындагы соода-логистикалык борбор менен кызматташууга даяр. Ошондой эле Кыргыз Республикасынын кызыкдар бизнес түзүмү да соода павильондорун ачуу маселелерин иштеп чыгууга даяр турат.
Ошол эле учурда Санкт-Петербург шаарынын тышкы байланыштар боюнча комитетинин төрагасы туризм жана өнөр жай тармагында кызматташууга, квалификациясын жогорулатууга жана экономикалык ишмердүүлүктүн талап кылынган багыттары боюнча кызматкерлерди даярдоого көмөк көрсөтүүгө кызыкдар экенин белгиледи.
