KOICAнын Корея Республикасындагы башкы кеңсесинде Канат Абдрахманов KOICAнын Евразиялык кызматташтык боюнча вице-президенти Ли Юн Йонг мырза менен жолугушту.

Вице-президент Кыргыз Республикасынын Экономика жана коммерция министрлигинин KOICA өнүктүрүү боюнча расмий жардамынын алкагында долбоорлорду ишке ашырууда жемиштүү кызматташуусун жана колдоосун канааттануу менен белгиледи.

Өз кезегинде К.Абдрахманов Кыргызстандын социалдык-экономикалык өнүгүүсүнө көрсөткөн жардамы үчүн KOICAга ыраазычылык билдирип, ошондой эле өлкө климаттын өзгөрүшү, азык-түлүк коопсуздугу жана энергетикалык кризис сыяктуу көйгөйлөргө туш болуп жатканын белгиледи. Министрдин орун басары кореялык тарап топтогон тажрыйба жана алдыңкы технологиялар Кыргызстан үчүн өзгөчө кызыгууну жаратып жатканын, бул тажрыйбанын берилиши бул негизги багыттардагы маселелерди чечүүгө өбөлгө түзөөрүн белгиледи.

Жолугушуунун жүрүшүндө тараптар ошондой эле учурдагы долбоорлордун портфелдерин, ошондой эле пландаштырылган долбоорлорду, анын ичинде «Кыргызпочтаса» ААКнын автопарктарын электромобилдерге өткөрүү боюнча пилоттук долбоорду, санариптештирүү жаатындагы долбоорлорду талкуулашты.

Мындан тышкары, тараптар 2013-жылдан бери алкактык макулдашууга кол коюлгандан жана Кыргыз Республикасында KOICAнын жергиликтүү кеңсеси ачылгандан бери эки тараптуу кызматташтыктын чыңдалгандыгын белгилешти. Ошентип, 1991-жылдан бери мамлекеттик башкаруу, айыл чарба, санариптештирүү, саламаттыкты сактоо жана айлана-чөйрөнү коргоо сыяктуу тармактарда 70 миллион доллардан ашык бир катар долбоорлор ишке ашырылган.

Соңунда министрдин орун басары долбоорлордун портфелин көбөйтүү менен кызматташууну кеңейтүүгө жана тереңдетүүгө даяр экенин, өзгөчө жашыл экономика жана туруктуу энергетика сыяктуу тармактарда белгиледи.