2023-жылдын 21-июлунда Кыргыз Республикасынын Экономика жана коммерциялык министрлигинде министр Данияр Амангелдиевдин катышуусунда Кыргыз Республикасынын мамлекеттик үлүшү бар коммерциялык банктарынын жетекчилеринин, өнүктүрүү фонддорунун жана Кытай Эл Республикасынын “Жибек Жолу” Фондунун (мындан ары – Фонддун Төрагасы) делегациясынын ортосунда сүйлөшүүлөр болду.
Сүйлөшүүлөрдүн жүрүшүндө тараптар кызматташуунун келечегин талкуулашты, Кыргыз Республикасынын аймагында инвестициялык долбоорлорду каржылоо механизмдерин иштеп чыгуу үчүн зарыл болгон пикир жана маалымат менен алмашышты.
Ошондой эле иш-чаранын жүрүшүндө Мамлекеттик өнүктүрүү банкы, «Айыл Банк» ААК, «РСК Банк» ААК жана Орус-Кыргыз өнүктүрүү фонду өз ишмердүүлүгү боюнча презентацияларды жана Кыргыз Республикасындагы инвестициялык долбоорлорду каржылоо боюнча “Жибек Жолу” фонду менен кызматташуунун багыттары боюнча сунуштарын беришти.
Маалымат иретинде:
Silk Road Fund Co., Ltd. 2014-жылдын 29-декабрында Пекинде Кытай Эл Республикасынын Компаниялар жөнүндөгү мыйзамына ылайык, Мамлекеттик валюталык администрация, Кытай инвестициялык корпорациясы, Кытайдын Экспорттук-импорттук банкы жана Кытайдын Өнүктүрүү банкы тарабынан салым кошкон капитал менен түзүлгөн.
Ачыктык, инклюзивдүүлүк жана өз ара пайда философиясына таянуу менен, Фонд БАБЖ коомчулугунун жалпы өнүгүүсүнө жана гүлдөп-өсүшүнө салым кошуу үчүн БАБЖ алкагында соода-экономикалык кызматташтыкка инвестициялык жана финансылык колдоо көрсөтүү аркылуу Алкак жана Жол демилгесине (БАБЖ) кызмат кылат.
Фонддун жалпы капиталы 40 миллиард АКШ долларын жана 100 миллиард юанды түзөт. Мамлекеттик валюта администрациясы (China Investment Holding Company Parasol Ltd аркылуу, Кытай инвестициялык корпорациясы (Seres Investment Co., Ltd. аркылуу), Кытай Өнүктүрүү Банкы (China Development Capital Co., Ltd. аркылуу) жана Кытайдын Экспорттук-импорттук банкы тиешелүү түрдө капиталдын 65%, 15%, 5% жана 15% түзөт.
Кытайдын Жибек жолунун экономикалык алкагы концепциясынын алкагында демилгелерди каржылоо үчүн атайын фонд түзүү идеясын Кытайдын төрагасы Си Цзиньпин 2014-жылдын 8-ноябрында АТЭС саммитинин алдында айткан. “Жибек жолу” фонду 2014-жылдын 29-декабрында Пекинде катталган.
