2023-жылдын 1-июнунан 3-июнуна чейин Кыргыз Республикасынын Экономика жана коммерция министрлигинин аянтында “ОКУ/ SMIIC ”Эл аралык стандарттарга ылайык Кыргыз Республикасынын халал индустриясы чөйрөсүндө адистерди даярдоо жана квалификациясын жогорулатуу” семинары башталды.
Тренингдерди Түркия Республикасынын SMIIC Ислам өлкөлөрүнүн Стандарттар жана метрология институтунун эксперттери «Халал тамак-аш азыктарына жалпы талаптар», «Халал сертификаттоо органдарына талаптар» жана «Халал туризм кызмат кызмат көрсөтүүлөрү » деген темада өткөрүшөт.
Иш-чарага республиканын кызыкдар мамлекеттик органдарынын, уюмдардын жана халал (адал) продукциясын өндүрүүчүлөрдүн өкүлдөрү катышууда.
Куттуктоо сөзүндө КР Экономика жана коммерция министринин орун басары Назарбек Малаев сөз сүйлөп, GIZ программасынын “Жашыл экономика жана «Кыргыз Республикасындагы жеке сектордун туруктуу өнүгүүсү» долбоорун иштеп чыккан эксперт Салмоорбек Асаналиевге халал-индустриясын өнүктүрүүгө көрсөткөн жардамы, адистердин квалификациясын жогорулатуу жана семинарды уюштурууга колдоо көрсөткөндүгү үчүн ыраазычылык билдирди.
Ал ошондой эле халал продукциясын өндүрүү тамак-аш өнөр жайынын келечектүү жана тез өнүгүп жаткан тармактарынын бири экендигин жана Кыргыз Республикасынын халал продукциясын өндүрүү жана аны чет өлкөлөргө экспорттоо үчүн жакшы потенциалы бар экенин белгиледи.
Өлкө Президентинин 2021-жылдын 8-февралындагы “Кыргыз Республикасынын агроөнөр жай комплексин өнүктүрүү боюнча чаралар жөнүндө” Жарлыгы менен адал индустриясын өнүктүрүү Кыргыз Республикасынын агроөнөр жай комплексин өнүктүрүүнүн артыкчылыктуу багыттарынын бири катары аныкталып, агроөнөр жай комплексинин. Халал индустриясын өнүктүрүүнүн маанилүүлүгү Кыргыз Республикасын 2026-жылга чейин өнүктүрүүнүн Улуттук программасында да белгиленген. Бул Жарлыктарды ишке ашыруу максатында «Кыргыз Республикасындагы халал индустриясы жөнүндө» Кыргыз Республикасынын Мыйзамынын долбоорлору, халал индустриясын жана халал туризмин өнүктүрүү Концепциялары иштелип чыккан.
Кыргыз Республикасынын Министрлер Кабинетинин 2022-жылдын 15-июлундагы буйругу менен бекитилген 2022-2024-жылдарга Кыргыз Республикасында адал индустриясын өнүктүрүү боюнча иш-чаралар планын ишке ашыруунун алкагында бир катар иш-чаралар каралган. Негизги багыттарынын бири халал индустриясын өнүктүрүү үчүн консультация алуу үчүн эл аралык эксперттерди тартуу менен окуу иш-чараларын уюштуруу аркылуу халал индустриясы жана экологиялык продуктылар тармагында адистерди даярдоо болуп саналат.
Пландаштырылган тренинг мамлекеттик органдардын жана бизнестин өкүлдөрү үчүн өткөрүлүп жаткандыктан, биз «Салих» ЖЧКсы, «Тойбосс» ЖЧКсы, «Торо» ЖЧКсы, «Адал Азык» ЖЧКсы, «Яшар Групп» ЖЧКсы, «Ширин» ЖЧКсы, «Ширин» ЖЧКсы сыяктуу халал продукцияларын жана кызматтарын өндүрүүчүлөрдү Айша” Халал, “Умма” ислам журналы жана ошондой эле Казакстан Республикасы мусулмандарынын дин башкармалыгынан конокторду чакырдык. Ушуга байланыштуу бул тренинг ар бир адам үчүн жемиштүү болот, ал республикада халал индустриясын өнүктүрүү боюнча билимди бекемдеп, кеңейтет, - деди министрдин орун басары.
Ошондой эле семинардын алкагында «Халал индустриясын өнүктүрүү борбору» мамлекеттик мекемесинин жана КР ЭКМ алдындагы Туризм департаментинин өкүлдөрү Кыргызстанда халал индустриясын жана халал туризмди өнүктүрүү жана жайылтуу боюнча кыскача баяндама жасашты.
«Шоро» ЖАК, «Яшар Групп» ЖЧКсы, «Жаннат Трэвел» ЖЧКсы, @Balbar.kg бал таякчалары өздөрүнүн продукцияларынын көргөзмөсүн уюштурушту.
