2023-жылдын 15-майынан 17-майына чейин Москва шаарында Кыргыз Республикасынын Экономика жана коммерция министрлигине караштуу Стандартташтыруу жана метрология боюнча Кыргыз борборунун директору Болот Нурматов Техникалык жөнгө салуу жана метрология боюнча федералдык агенттик (Росстандарт) тарабынан Россиянын Өнөр жай жана соода министрлиги менен биргеликте уюштурулган «Чек арасыз метрология» Эл аралык метрология форумунун жана көргөзмөсүнүн алкагында Кыргыз Республикасындагы өлчөөлөрдүн көрсөткүчтөрүн,  биримдикти жана байкоо жүргүзүү тармагындагы максаттарды жана жетишкендиктерди   тааныштырды. 

Б.Нурматов белгилегендей, өлчөөлөр адам жашоосунун бардык чөйрөсүнө сиңип, мамлекетти өнүктүрүүнүн эң маанилүү максаттарын ишке ашырууга катышат.

Ошондой эле форумдун ачылышында Россия Федерациясынын өнөр жай жана соода министринин орун басары, Федералдык жол агенттигинин жетекчисинин орун басары, Росстандарттын жетекчиси Антон Шалаев иш-чаранын катышуучуларына куттуктоо сөзүн сүйлөдү.

Форумдун алкагында бизнес-программанын 30дан ашык иш-чарасы өткөрүлдү жана аянтчада Россия Федерациясынын 50дөн ашык ата мекендик ченөө каражаттарын өндүрүүчүлөрүнүн көргөзмө-стенддик экспозициялары көрсөтүлдү.

Кыргыз Республикасынын Экономика жана коммерция министрлиги менен Росстандарттын ортосундагы стандартташтыруу, метрология жана шайкештикти баалоо жаатында кызматташуу боюнча Меморандумду ишке ашыруу боюнча Программаны ишке ашыруу максатында Росстандарттын жана Кыргызстандарттын жетекчилери эки тараптуу жолугушууларды өткөрдү.

Метрология боюнча Илимий-техникалык комиссиянын (НЦМетр) метрология чөйрөсүндөгү фундаменталдык документтер боюнча жумушчу тобунун 22-жыйыны жана НТКМетрдин 57-жыйынына арналган иш-чаралар жылуу маанайда өткөнүн белгилей кетсе болот.