Швейцариянын Женева шаарындагы БУУ Улуттар Сарайында 2015-жылдын 31-августунан 1-сентябрына чейин Бириккен Улуттар Уюмунун (БУУ) Европа экономикалык комиссиясынын (ЕЭК) соодалашуусунун дарамети жана стандарты боюнча Жетектөөчү комитеттин жогорку деңгээлдеги жолугушуусу болуп өттү. Делегациялар жогорку саясий деңгээлдеги борбор шаарлардан жана Женевадагы өкүлчүлүктөрдөн/Миссиялардан көрсөтүлдү.

Кыргыз делегациясын КР Экономика министринин орун басары Кылычбек Жакыпов баштап жүрдү. Ал Кыргыз Республикасынын Өкмөтү менен БУУ ЕЭК кызматташуусунда жүргүзүлгөн изилдөөлөрдүн жыйынтыктары боюнча тыянактар жана сунуштар киргизилген жерде Кыргызстанда соодалашуудагы ченемдик жана жол-жоболук кесепеттерди жоюу боюнча сессияда колдоо көрсөтүүдө төраганын функциясын аткарды.

К.Жакыповдун сөздөрүнө караганда, БУУнун ЕЭК баалоо методологиясын пайдаланууга таянуучу бул изилдөө соодалашуудагы ченемдик жана жол-жоболук ички жана чек аралык тоскоолдуктарды чагылдырат, алардын операциялык коромжуларынын көлөмүнө таасирин талдоо жүргүзөт.

Ошондой эле иш-аракеттердин планына ылайык реформа жана өнүгүү боюнча: каржылоону пайдалануу мүмкүнчүлүгү, сапаттуу инфратүзүмдү колдоо, соодалашуу жана экспортту илгерилетүү боюнча маалыматка жеткиликтүүлүк багыттарында ийгиликтүү максаттарга жетүү үчүн белгиленген дайындуу кадамдар сунушталды.

Министрдин орун басары К. Жакыпов эки күндүн аралыгында ар кандай эл аралык финансылык институттардын, БУУ агенттиктеринин өкүлдөрү менен эки тараптуу жолугушууларга катышты, анда Кыргыз Республикасы менен кызматташуунун болжолдуу чөйрөлөрү жана багыттары аныкталды.