2023-жылдын 29-апрелинде Бишкекте жыл сайын өтүүчү "CREATE 4" чыгармачыл тармактардын фестивалы өттү.
Бишкекте өтүп жаткан IT, бизнес, искусство жана инновациялардын чыгармачыл индустрияларынын фестивалынын алкагында КР Экономика жана коммерция министринин орун басары Айнура Үсөнбекованын катышуусунда маалымат жыйыны болду.
Министрдин орун басары өз сөзүндө бүгүнкү күндө экономикалык саясат стратегиялык маселелерди чечүүгө багытталганын белгиледи. Стратегиялык милдеттердин негизги максаты - чарбакер субъекттерди колдоо, түз инвестицияларды тартуу жана экспортту олуттуу көбөйтүү аркылуу экономикалык өсүштү тездетүү. Ошол эле учурда санариптештирүү реформалардын комплекстүү элементи болууга тийиш.
«Бүгүнкү күндө илимге негизделген алдыңкы технологияларга жана инновациялык өндүрүшкө инвестиция салуу пайдалуу. Биринчи кезекте келечектүү багыттардын бири болгон «Билим экономикасы — жаратман экономиканы» өнүктүрүүнү камсыз кылуу зарыл. 2022-жылы өлкө президенти Борбор Азия өлкөлөрүнүн ичинен биринчи болуп “Креативдүү индустрия паркы жөнүндө” мыйзамга кол коюп, Креативдик экономиканы өнүктүрүү концепциясын ишке ашыруу башталган. Биз жасаган кадамдар креативдүү экономиканы экономиканын өз алдынча тармагы катары таанууга мыйзамдык деңгээлде шарт түздү», - деди А.Үсөнбекова.
Министрдин орун басары креативдүү экономиканы өнүктүрүүнүн аркасында өлкөбүз ири өнүккөн мамлекеттер менен теңата атаандаша алат, ошондой эле . географиялык чоңдугу, деңизге жана ири транспорттук артерияларга чыгуу мүмкүнчүлүгүнүн жоктугуна карабастан дүйнөлүк рынокто атаандаштыкка жөндөмдүү технологиялык жана креативдүү чечимдерди иштеп чыга алат,- деп баса белгиледи. Жаштар жана балдар коомдун негизги бөлүгүн түзгөн Кыргызстан үчүн креативдүү экономика экономиканы тездетүү үчүн гана мүмкүнчүлүк болбостон, жакынкы он жылдыктарда калкты жумуш менен камсыз кылуунун негизги мүмкүнчүлүгү», - деди ал.
«21-кылымда ийгиликке жетүү, жакшы акча табуу жана бүткүл дүйнөдө суроо-талапка ээ болгон товарды түзүү үчүн ири мегаполистерге көчүүнүн кереги жок. “Кыргызстанда жаша, бүткүл дүйнө үчүн иште” – бул биздин Жогорку Технологиялар Паркынын (ЖТП) урааны Кыргызстандын IT тармагын өнүктүрүүгө олуттуу түрткү болгон. Былтыр сентябрда Кыргызстан IT жана креативдүү экономика тармагында иштеген Digital Nomads үчүн виза бере баштаган.
Мындай виза көчүп келгендер үчүн бардык бюрократиялык процедураларды кыйла жеңилдетип, Кыргызстандан оңой жана жөнөкөй иштөөгө жардам берет», - деп белгиледи А.Үсөнбекова.
Анын айтымында, бүгүнкү күндө ЖТПга окшоштуруп, креативдүү экономика секторун өнүктүрүүнү камсыз кылуучу жана өлкөнү жаратмандык, инновация жана жаңы деңгээлге чыгарууга жөндөмдүү Креативдик индустриялар паркын ишке киргизүү боюнча чаралар көрүлүүдө. Креативдүү индустрия паркынын тургундарынын арасында биз биринчи кезекте музыка, коммуникация, архитектура, жарнама, дизайн жана мода, искусство, кино жана видео өндүрүш, интернет-контент түзүү, зергерчилик жана кол өнөрчүлүктү көрөбүз.
Министрдин орун басары бүгүнкү күндө республикадагы Креативдүү өнөр жай паркы үчүн дагы башка социалдык преференциялар үчүн салыктын төмөн ставкалары менен атайын салык режими түзүлгөндүгүн баса белгиледи. Ошентип, өлкөнүн Президенти “Кыргыз Республикасынын айрым мыйзам актыларына салык салуу чөйрөсүндөгү өзгөртүүлөрдү киргизүү жөнүндө” Мыйзамга кол койду, ага ылайык, ПКИ резиденттери киреше салыгы, КНС жана сатуу салыгынын ордуна квартал сайын киреше салыгын 0,5% - 2023 жана 2024-жылдары, 1 % - 2025 жана 2026-жылдары, 2 % - 2027-жылдан төлөшөт.
Документтердин пакетине камсыздандыруу төгүмдөрүн төлөөнүн өзгөчө режими менен «Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө» Кыргыз Республикасынын Мыйзамын кабыл алынган. Ошентип, иш берүүчү камсыздандыруу төгүмдөрүн төлөөдөн бошотулган (иш берүүчү үчүн учурдагы ставка эмгек акынын 17,25% түзөт).
Креативдүү өнөр жай паркынын резиденттеринин кызматкерлери - пенсионерлерден тышкары жеке жактар орточо айлык эмгек акынын 12% өлчөмүндө камсыздандыруу төгүмдөрүн төлөшөт; камсыздандыруу төгүмдөрүн фонддор боюнча бөлүштүрүү жүзөгө ашырылат: Пенсиялык фонд - 10% жана Мамлекеттик топтоо пенсиялык фонду - 2%.
Жыйынтыгында министрдин орун басары креативдүү индустрия жаштардын чыгармачылыгын жана интеллектин монетизациялоо мүмкүнчүлүгүнө, экономиканын формалдуу эмес секторунун көлөкөсүнөн чыгууга, . ошондой эле республикалык бюджетке салыктык кирешелерди көбөйтүүгө, республикада кошумча жумуш орундарын түзүүгө түрткү болорун белгиледи.
