Корея Республикасынын Чет өлкөлөрдөгү инфраструктураны өнүктүрүү жана шаарларды өнүктүрүү боюнча мамлекеттик корпорациясынын (KIND) вице-президенти Жунг Гичул жетектеген кореялык делегация Кыргыз Республикасына «Мастер план «Кыргызстанда» «Акылдуу шаар Ысык-Көл» планы жана техникалык-экономикалык негиздемеси” долбоорунун алкагында жыйынтыктоочу консультацияларды өткөрүү үчүн келди.

Кыргыз Республикасынын Экономика жана коммерция министринин орун басары Канат Абдрахманов Корея Республикасынын Жер, инфраструктура жана транспорт министрлигинин Тышкы инфраструктураны өнүктүрүү жана шаар куруу мамлекеттик корпорациясынын өкүлдөрү, Корея жана Хан-А Консорциумунун мүчөлөрү Кыргыз Республикасынын мамлекеттик органдарынын өкүлдөрүнүн катышуусунда “Кыргызстанда Ысык-Көлдүн акылдуу шаарын куруунун башкы планы жана алдын ала техникалык-экономикалык негиздемеси” долбоорун талкуулоо үчүн жолугушту.

Корея тарап «Ысык-Көл «Акылдуу шаар» долбоорунун алдын ала башкы планын даярдап, Кыргыз Республикасынын кызыкдар мамлекеттик органдарынын өкүлдөрү үчүн кеңири презентация өткөрдү.

Министрдин орун басары К.Абдрахманов Ысык-Көл облусунда акылдуу шаар куруу үчүн долбоорду мындан ары да алдыга жылдыруу жана каржылоону тартуу зарылдыгын билдирди.

Кыргыз Республикасы дүйнөлүк коомчулук сыяктуу эле жашыл экономиканы өнүктүрүү моделине системалуу өтүү жана көмүртектүү нейтралдуулукка жетишүү боюнча максаттарды коюп жатат, ал эми жашыл шаарлар маанилүү багыт болуп саналат. Акылдуу шаардын башкы планын иштеп чыгуу логистикалык мүмкүнчүлүктөрдү эске алуу жана энергиянын кайра жаралуучу булактарын колдонуу менен эл аралык атаандаштыкка жөндөмдүү шаар курууга багытталган.