Бул долбоор чарбакер коомдордун уставдык капиталдарында акциялардын мамлекетке таандык пакетин (үлүшүн) башкаруунун натыйжалуулугун жогорулатуу үчүн Өкмөт тарабынан холдингдик компанияларды түзүү мүмкүндүгүн мыйзамдуу түрдө бекитет. Мындай холдингдердин негизги арналышы мамлекеттик активдердин наркынын узак мөөнөттүүлүгүн жогорулатуу болуп саналат. «Холдинг» принциби боюнча мамлекеттик активдерди башкаруу механизми улуттук холдингдик компания тарабынан бирдиктүү финансылык, инвестициялык, дивиденддик жана кадрдык саясатты жүргүзүүнүн эсебинен мамлекеттик компаниялардын ишинин натыйжалуулугун жогорулатууга жана мамлекеттик катыш менен чарбакер коомдордо бир катар бизнес-процесстерди оптимизациялоого мүмкүндүк түзөт.