Кызматкерлерди каттоодон кийин, КЫРГЫЗТЕСТ системасы менен, тест тапшыруучуларды, Кыргыз Республикасынын Билим берүү жана илим министрлигинин Улуттук тест жүргүзүү борборунун КЫРГЫЗТЕСТ түзүмүнүн жетекчиси Топоева-Ставинская Батма Болоталиевна тааныштырды.
КЫРГЫЗТЕСТ системасы жөнүндө презентацияны көргөндөн кийин, кызматкерлер өзүн-өзү баалоо баракчаларын толтуруп, кыргыз тилин билүү деңгээлдерин аныкташты жана компьютердик тест тапшырышты. Компьютердик тест лексика-грамматика, угуп түшүнүү, окуп түшүнүү, жазуу субтесттеринен турат. Тест 2 саат 30 мүнөткө созулду. Андан соң тесттен өтүүчүлөр сүйлөө субтестин тапшырышты.
Бул көнүгүү тестинин жыйынтыктары kyrgyztest.gov.kg сайтына 4 сааттан кийин жарыяланды.