2022-жылдын 25-26-ноябрында Кыргыз Республикасынын Экономика жана коммерция министри Данияр Амангелдиев Президенттин, Министрлер Кабинетинин, ошондой эле миңден ашык делегаттардын катышуусунда өткөн Биринчи Элдик Курултайга катышты. Кыргызстандын бардык 7 облусунун райондорунан, ошондой эле шаарларынан өкүлдөр кайрылуу жасашты. Сөздөрдүн жүрүшүндө делегаттар аймактардагы эң актуалдуу көйгөйлөр тууралуу маалымат беришти.

Экономика жана коммерция министрлигинин жетекчиси менен бирге делегаттардын кайрылуулары угулуп, суроолоруна жооп берилди, ал эми келип түшкөн сунуштар министрдин орун басарлары жана КР ЭКМдин башка өкүлдөрү тарабынан кабыл алынды.

Тактап айтканда, көпчүлүк райондор үчүн актуалдуу болгон айтылган көйгөйлөрдүн арасында төмөнкүдөй суроолор болду:

- КНС салыгынын ставкаларын төмөндөтүү;

- дүкөндөрдө жана май куюучу жайларда ККМ аппараттары орнотулган, бирок ошол эле учурда - Тогуз-Торо районунда колдонулбайт;

- бухгалтердик отчеттуулук, электрондук эсеп-фактуралар, эсеп-фактураларды толтуруу, ошондой эле каалоолорду жана мындай бизнес-форумдарга чакыруулар боюнча окуу семинарларын/тренингдерин өткөрүү;

-Кадамжай районунда соода-логистикалык борбордун курулушу;

- Ноокен районунда пахтаны кайра иштетүү боюнча текстиль фабрикасын ачуу;

-Чүй районунда сарай-кашарды курууга каражаттарды каржылоо;

-Ош шаарында күйүүчү-майлоочу майларга баа түзүү;

- Тоң районунда мини-фабрика (коалин, кварц, руда) куруу жана туристтик объектилерди (Утес, Атат жана башка пансионаттар) куруу үчүн жер тилкесин бөлүп берүү;

-кошумча көмөкчордондорду куруу, кара өрүктү дүйнөлүк рынокко чыгаруу, «Кыргызтелекомдун» мурдагы имаратын муниципалдык баланска өткөрүү, аянты 70 кв.м. менен. Жерге-Тал, айылга таза суу долбоорун ишке ашыруу. Кызыл-Капчыгай, Аксы району;

- Баткен облусундагы этникалык кыргыздарга турак жай жана ипотекалык кредиттерди берүүнү жеңилдетүү;

- өлкөнүн түштүк аймактарында аз сандагы «Мегаком», «О», «Билайн» компаниялары; Кызыл-Кыя шаарындагы кыргыз-өзбек мамлекеттик чек арасынын бир гана «терезесинин» иш-аракети (бул жерде 2 «терезе» орнотулган);

- «Маймак» станциясы Талас облусунун чек ара аймактарынын тизмесине киргизилгендиктен айлык акынын, пособиелердин жана пенсиялардын 20% кошумча төлөөнү караштыруу.

- Ысык-Ата районундагы көмүргө (Шабыркүл, Кара-Кече) бааларды жөнгө салуу;

- Карасуу районундагы бош турган (Ош-Дубек ААКсы, «Строитель» пионер лагери) 10 га жер аянтын айыл өкмөтүнүн балансына өткөрүү;

-Спутник шаарындагы Шопоков шаарынын административдик-аймактык реформасы жана Сокулук районундагы ЖӨБ органдарынын карамагына өткөн бала бакчалардын имаратын кайтарып алуу маселелерин кароо;

- бизнес-форумга чакыруу жана Ноокат районунун ишкерлеринин бизнес долбоорлорун ишке ашырууга көмөк көрсөтүү;

- Араван районундагы Гүлбахар атын «Гулбар» эски атына өзгөртүү;

- Россия Федерациясында айыл чарба продукциясын сатуу, Ноокат районунда Renault автоунаасын чыгаруу;

- Түп районундагы айыл өкмөттүн эмес, Мамлекеттик университеттин балансындагы имараттарды оңдоону кароо ж.б. 

Жалпысынан Кыргыз Республикасынын Экономика жана коммерциялык министрлигинин жетекчилиги Элдик Курултайдын делегаттарын кабыл алууда келип түшкөн бардык суроо-талаптарды жана сунуштарды эске алып, бизнес чөйрөсүн жакшыртуунун алкагында түшүндүрмөлөр берилди, инвестициялык климатты жана Кыргыз Республикасынын Министрлер Кабинети тарабынан киргизилген чектөөлөрдүн алкагында экономикалык кырдаалды тезирээк турукташтыруу каралды