2022-жылдын 6-октябрында Кыргыз Республикасынын Экономика жана коммерция министри Данияр Амангелдиев Глобалдык Жашыл Өнүгүү Институтунун Ассамблеясынын жана Кеңешинин Төрагасы Пан Ги Мун, Глобалдык Жашыл Өнүгүү Институтунун Башкы директору Махамаду Тункара мырза жана GGGI Азия боюнча башкы директору Ачала Абейсин айым менен жолугушту.
Бул жолугушуулар Корея Республикасынын Сеул шаарында өткөн Экономикалык кызматташуу боюнча өкмөттөр аралык кыргыз-корей комиссиясынын 5-жыйынынын алкагында уюштурулду.
Жолугушуулардын жүрүшүндө “жашыл” экономиканы өнүктүрүү боюнча кызматташуу маселелери талкууланды. Кыргыз тарап Министрлер Кабинети тарабынан берилген ыйгарым укуктарга ылайык Экономика жана коммерция министрлиги Кыргыз Республикасында «жашыл» экономиканы интеграциялоо саясатын жүргүзүп жатканын билдирди.
Кыргыз Республикасы дүйнөлүк коомчулук сыяктуу эле экономиканы кайра ориентациялоо менен туруктуу өнүгүүнү камсыз кылуунун маанилүү инструменттеринин бирине карата ишти күчөтүүнүн ортосундагы тең салмактуулукту сактай турган экономикалык моделге системалуу өтүү боюнча амбициялуу максаттарды коюп жаткандыгы, башкача айтканда, көмүртектин эмиссиясын азайтуу жана инклюзивдик жашыл экономиканы жигердүү ишке ашыруу белгиленди.
Ошондой эле, Кыргыз тарап Кыргыз Республикасынын Министрлер Кабинетинин «жашыл» өнүгүүгө акырындык менен өтүүнү камсыз кылууга көмөктөшүүчү кадамдары, алардын негизгилери «жашыл» энергетика, органикалык айыл чарбасы, экологиялык транспорт жана жашыл / климатты каржылоо тууралуу маалымат берди.
Ошону менен бирге өлкөдө “жашыл” экономиканы өнүктүрүүнүн алкагында стимулдардын туура түзүмүн түзүү процесси жүрүп жатканы жана бул үчүн салык чөйрөсүндө туруктуу мамлекеттик преференциялар системасы түзүлүп жатканы белгиленди.
Өз кезегинде GGGI өкүлдөрү GGGIнин ишмердүүлүгү, өнөктөштөрү, стратегиялык натыйжалары, «жашыл» инвестициялар үчүн кандай кызматтар көрсөтүлүп жаткандыгы жана башкалар жөнүндө маалыматтарды камтыган презентацияны тартуулашты.
GGGI Кыргыз Республикасы менен МЖӨ модели аркылуу жашыл каржылоону киргизүү жана масштабын кеңейтүү жана НДКны эффективдүү ишке ашырууну колдоо үчүн банктар аркылуу жашыл насыялоону баштоо үчүн Улуттук Каржылоо Фонду (NFV) сыяктуу бир катар долбоорлорду иштеп чыгууда, ошондой эле климаттын өзгөрүшүнө туруктуулукту жогорулатуу жана жашыл ишкердикти стимулдаштыруу аркылуу климаттык аракеттерди жана коомчулуктун туруктуулугун бекемдөө боюнча маалымат берилди.
Эки тараптуу кызматташтыкты өнүктүрүүнү бекемдөө үчүн Кыргызстан тарап Кыргыз Республикасында Глобалдык Жашыл Өнүгүү Институтунун өлкө боюнча штаб-квартирасын/кеңсесин ачуу мүмкүнчүлүгүн карап чыгууну сунуштады.
Ошону менен бирге, Кыргыз Республикасы ГЖӨИди түзүү жөнүндө макулдашууга ылайык өлкөдө штаб ачуу маселесин изилдөөгө даяр экени, анда ошондой эле ГЖӨИнин артыкчылыктары жана иммунитеттерин бекитүү маселесин изилдөө карала тургандыгы белгиленди.
Министр Д.Амангелдиев министрликтин «жашыл» экономиканы өнүктүрүү боюнча ар бир кызыкдар катышуучу менен бардык багыттар боюнча, өзгөчө «жашыл» күн тартиби боюнча өз ара пайдалуу жана көп векторлуу кызматташууга даяр экендигин билдирди.
Жолугушуунун жыйынтыгы боюнча жолугушуунун катышуучулары мындан аркы жемиштүү кызматташууга жана алдыга коюлган милдеттерди ишке ашырууга үмүт артышты.
