Ушул жылдын 15-сентябрында Кыргыз Республикасынын Экономика жана коммерция министрлигинде ВСП+ макамы боюнча 27 эл аралык конвенция боюнча кыргыз тараптын милдеттенмелерин аткаруусуна мониторинг жүргүзүү боюнча Европа комиссиясынын миссиясы менен жолугушуу болуп өттү.
Министрдин орун басары Вероника Исаева куттуктоо сөз сүйлөп, анда Европа Комиссиясынын ийгиликтүү кызматташтыгы жана Кыргыз Республикасына, анын ичинде ВСП+ алкагында көрсөткөн ар тараптуу колдоосун өзгөчө белгиледи.
Мүмкүнчүлүктөн пайдаланып, ал Кыргыз Республикасына карата ВСП+ схемасын кеңейтүүгө болгон жогорку кызыгуу үчүн ыраазычылык билдирди, анткени Европа Биримдиги тарабынан берилген преференциялардын толук потенциалы толук ишке ашырыла элек.
Ошондой эле жолугушуунун жүрүшүндө тараптар ак ниет башкаруу жаатындагы конвенцияларды ишке ашырууга байланышкан маселелерди талкуулашты.
Бул иш-чарага өз компетенциясынын чегинде мамлекеттик органдар тартылды: Ички иштер министрлиги, Саламаттык сактоо министрлиги, Юстиция министрлиги, Финансы министрлигине караштуу МСӨФ, Башкы прокуратура, Жогорку Сот, Жазаларды аткаруу мамлекеттик кызматы ж.б.
Ушундай эле жыйын бүгүн, 16-сентябрда өтүп, анда айлана-чөйрөнү коргоо жана климаттын өзгөрүшү боюнча конвенциялар, ошондой эле эмгек укуктары боюнча конвенциялар жаатындагы маселелерди талкуулоо пландалууда.
Сүйлөшүүлөрдүн жыйынтыгы боюнча европалык тарап жыйынтыктоочу баяндама даярдайт, анын негизинде келечекте Европарламент Кыргыз Республикасына карата ВСП+ макамын узартуу же алып салуу боюнча чечим кабыл алат.
Маалымат үчүн:
ВСП+ – өнүгүп келе жаткан өлкөлөрдөн жана начар өнүккөн өлкөлөрдөн бир катар товарларга импорттук салыктарды алып салуу аркылуу ЕБ тарабынан бир тараптуу соода концессияларынын системасы.
Кыргызстандын 6 миңден ашык товардык товарды Евробиримдиктин рынокторуна алымсыз жеткирүү мүмкүнчүлүгү бар. Кыргызстандын ЕБге экспортунун негизги товарларына төө буурчак, бал жана аары азыктары, кийизден жасалган буюмдар, кийим-кече жана текстиль буюмдары, козу карындар, дары чийки зат (мумия, БАД), алма, табигый май (жаңгак, бадам), кургатылган буурчак өсүмдүктөрү, чийки заттар, тамеки жана тамеки буюмдарынын калдыктары ж.б. кирет.
