Урматтуу мекендештер!

Сиздерди Кыргыз Республикасынын Экономика жана коммерция министрлигинин атынан жана жеке өзүмдүн атымдан өлкөбүздүн башкы майрамы – Кыргыз Республикасынын Эгемендүүлүк күнүнүн 31 жылдыгы менен чын жүрөктөн куттуктайм!

Бул жылдар аралыгында Кыргызстан саясий, мамлекеттик курулуштун татаал жолун басып өтүп, бүгүнкү күндө эл аралык коомчулукта татыктуу орунду ээлеп келет. Учурда республикада экономикалык өсүштүн белгилери байкалууда, Министрлер Кабинети өнүгүүнүн артыкчылыктуу багыттарын так аныктап, социалдык милдеттенмелерин толук аткарып, өлкөнү өнүктүрүү уланууда.

Бүгүн биз өлкөнү 2026-жылга чейин өнүктүрүү стратегиясында белгиленген максаттарды жана милдеттерди ишке ашырууга ишенимдүү кадам таштоодобуз. Реалдуу сектордогу ири долбоорлор ийгиликтүү ишке ашырылууда. Экономикалык өсүш үчүн болгон күчтүү потенциалды натыйжалуу пайдалануу жарандарыбыздын жашоо сапатын жакшыртууга жардам берет деп ишенем.

Биздин негизги максатыбыз – ар бир үйдө тынчтык жана ынтымак, бакубатчылык жана бакубатчылык”, - деп баса белгиледи министр.

Дагы бир жолу бардыгыңыздарды улуттук башкы майрам – Эгемендүүлүк күнү менен куттуктайм! Жалпы элибизге тынчтык жана ынтымак, бакыт-таалай жана бакубатчылык каалайм! 

Д.Амангелдиев                            КР экономика жана коммерция министри