Жеңиш майрамы менен куттуктайбыз!

Улуу Ата мекендик согуштун жана ооруктун урматтуу ардагерлери! Сиздердин Улуу жеңиштин 77 жылдыгы менен КР Экономика жана коммерция министрлигинин жамааты чын жүрөктөн куттуктайт!

Бул күн согушта Ата мекендин эркиндигин, бүтүндүгүн коргогон баатыр аталарыбыздын, чоң аталарыбыздын, оорукта жан аябай эмгектенип жеңишке салым кошкон мекендештердин эрдигин жалпы эскерүү күнү.

Алардын теңдешсиз эрдиги, каармандыгы гана Жер жүзүндө тынчтыктын болуусун камсыз кылып, кийинки муундардын тынчтык доордо жашоосуна алып келди. Мындай эрдик эч качан унутулбайт!

Биз дагы жеңиш күнү тарыхтын ушул мезгилине өзгөчө маани берип, мындан ары да Мекенибиздин асманы ачык, келечеги жарык болушу канчалык кымбат экендигин сезебиз.

Аталардын, чоң аталарыбыздын эрдигине баш ийип таазим кылабыз. Бүгүнкү тынчтык күндө жашап, иштеп жана балдардын шыңгыр күлкүсүн угуп жаткандыгыбыз үчүн аларга зор ыраазычылык билдиребиз!

Кыргызстаныбыздын асманы да мындан ары ачык болуп, тынчтыгыбыз түбөлүк болсун!

КР экономика жана коммерция министри                                  Д. Амангельдиев