2022-жылдын 25-апрелинде Кыргыз Республикасынын Экономика жана коммерция министрлигинин Чоң залында контролдоочу мамлекеттик органдар (МКК) жана бизнес-ассоциациялардын өкүлдөрү менен Текшерүү баракчаларын талкуулоо жана иштеп чыгуу боюнча жыйын өттү.
Кыргыз Республикасынын Министрлер Кабинетинин жаңы түзүмүн бекитүүгө байланыштуу “Ишкердик субъекттерине текшерүү жүргүзүүгө укуктуу ыйгарым укуктуу органдардын тизмесин бекитүү жөнүндө” токтом кабыл алынып, 2021-жылы декабрда кароо үчүн Жогорку Кеңешке жөнөтүлгөн.
Учурда КР МЭКтин ишкердик чөйрө саясаты бөлүмүнүн башчысы Улан Султанбаев белгилегендей, бул Тизме Жогорку Кеңештин комитеттеринин отурумдарында каралып жатат.
5-пунктуна ылайык. "Ишкердиктин субъекттерине текшерүүлөрдү жүргүзүүнүн тартиби жөнүндө" Кыргыз Республикасынын Мыйзамынын 6-беренесине ылайык, ишкердик субъекттерине текшерүү жүргүзүүгө укуктуу ыйгарым укуктуу органдар текшерүү субъекттеринин бир тектүү топтору үчүн Текшерүү баракчаларын түзүүгө милдеттүү.
Текшерүү баракчаларынын формалары ыйгарым укуктуу органдын жана ишкердикти өнүктүрүү боюнча ыйгарым укуктуу органдын биргелешкен буйругу менен бекитилет жана бул ыйгарым укуктуу органдардын расмий веб-сайттарында жарыяланат.
Ушуга байланыштуу ыйгарым укуктуу органдардын Текшерүү баракчаларын жаңылоо зарылчылыгы келип чыкты.
Ошондой эле, башкармалыктын башчысы У.Султанбаев ишкердик субъекттерине текшерүү жүргүзүү укугунан пайдаланган мамлекеттик органдарды Экономика жана коммерция министрлиги менен активдүү кызматташууга чакырды.
