«Керектөөчүлөрдүн укуктарын коргоо жөнүндө» Кыргыз Республикасынын Мыйзамынын 9-беренесинин, «Жарнак жөнүндө» КР Мыйзамынын 5-беренесинин талаптарына ылайык товарларга (кызмат көрсөтүүлөргө, жумуштарга) баа (тариф) жөнүндө маалымат ) баа бирдиктеринде, продукциянын этикеткаларында жана көрсөтүлүүчү кызматтардын прейскуранты КР улуттук валютасында көрсөтүлүүгө тийиш.

Ушундай эле талаптар КР Министрлер Кабинетинин соода эрежелерин жөнгө салуучу токтомдорунда да бар.

Керектөөчүлөргө товарлардын (кызмат көрсөтүүлөрдүн, жумуштардын) баалары (тарифтери) жөнүндө улуттук валютада маалыматтын жоктугу КР Тартип бузуулар жөнүндө кодексинин 390-беренесине ылайык жеке жактарга эсептешүү көрсөткүчүнүн 10 өлчөмүндө,  субъектилерге - 50 эсептик көрсөткүч айып салууга алып келет. 

Кыргыз Республикасынын Улуттук валютасын (банкнотторун жана монеталарын) төлөөгө кабыл алуудан баш тартуу КР Тартип бузуулар жөнүндө кодексинин 303-беренесине ылайык жеке жактарга эсептик көрсөткүчтүн отуз өлчөмүндө, юридикалык жактарга - 130 эсептик көрсөткүчтүн өлчөмүндө айып салууга алып келет..