2022-жылдын 24-мартында Кыргыз Республикасынын Экономика жана коммерция министрлигинин алдында «Кыргызстанда баалоо кызматтары рыногун калыптандыруунун жаңы этабы жана аны баалоо үчүн зарыл шарттар» деген темада тегерек стол өтүүдө. Иш-чара КР «Баалоо иши жөнүндө» мыйзамынын кабыл алынышына байланыштуу баалоо кызматтары рыногун өнүктүрүүнүн келечегин талкуулоо максатында «Кыргыз баалоочулар ассоциациясы» бейөкмөт уюму тарабынан демилгеленген.
Иш-чараны ачып жатып, КР МЭК алдындагы Мамлекеттик мүлк фондунун төрагасы Мирлан Бакиров бардык катышуучуларды – мамлекеттик органдардын, финансы-кредиттик мекемелердин, ЖОЖдордун, баалоочу жана консалтингдик компаниялардын өкүлдөрүн кесиптик майрамы – Баалоочулардын күнү менен куттуктады.
Ал белгилегендей, рынок экономикасынын шартында баалоо иши коомдук мамилелердин инфраструктурасынын маанилүү элементи болуп саналат. Рынок мүлктүн эркин жүгүртүүсүн камтыйт, бул белгилүү бир мүлктү объективдүү жана адекваттуу баалоо зарылдыгын шарттайт. Бирок жакынкы убакка чейин республикада баалоо ишин жөнгө салуучу мыйзам болгон эмес.
Кыргызстанда тиешелүү Мыйзам кабыл алынганга чейин Кыргыз Республикасынын Өкмөтүнүн 2003-жылдын 21-августундагы токтому менен бекитилген “Баалоочулардын жана баалоочу уюмдардын ишинин убактылуу эрежелери” жана башка бир катар жоболор болгон.
Демек, 2021-жылдын декабрында “Баалоо иши жөнүндө” мыйзамдын кабыл алынышы Кыргызстандагы баалоо кызматтары рыногун өнүктүрүүдөгү негизги окуя жана жаңы этап болуп калды. Ошону менен бирге, ушул Мыйзамды ишке ашыруу Кыргыз Республикасындагы баалоо жол-жоболорунун натыйжалуулугун андан ары жогорулатууга мүмкүндүк берет, бул анын катышуучулары мамлекет, жеке жана юридикалык жактар болгон рыноктук мамилелерди андан ары өнүктүрүүнүн шарты болуп саналат. Буга байланыштуу тегерек столду өткөрүү эң маанилүү жана актуалдуу, - деп баса белгиледи М.Бакиров.
«ОКО» бейөкмөт уюмунун Башкармалыгынын төрагасы Советбек Закиров КР «Баалоо иши жөнүндө» мыйзамын иштеп чыгууга жана талкуулоого баалоочулардын түздөн-түз тиешеси бар экенин билдирди. Алар ошондой эле Кыргызстанда баалоо кызматтары рыногун түзүүнүн негиздөөчүлөрүнүн бири болуп саналат жана акыркы жылдары баалоо кызматтары рыногун калыптандыруу жана өнүктүрүү процессине активдүү катышып келишет.
Ошондой эле республиканын мүлкүн баалоочуларынын жана башка көз карандысыз адистеринин, аккредиттелген юридикалык жана жеке жактардын алардын ишинин натыйжалуулугун жогорулатууга, баалоочулардын кесиптик өсүүсү жана квалификациясын жогорулатуу үчүн үгүт иштерин жүргүзүүгө багытталган күч-аракеттерин бириктирүү боюнча иштер улантылууда.
Ошондой эле бул иш-чаранын алкагында катышуучулардын талкуусу, резолюция кабыл алуу жана тегерек столдун катышуучуларына «ОКО» бейөкмөт уюмуна сыйлыктарды тапшыруу болот.