2022-жылдын 10-мартында Кыргыз Республикасынын Экономика жана коммерция министри Данияр Амангелдиев Экономикалык кызматташтык жана өнүктүрүү департаментинин башчысы, Федералдык Кеңештин Федералдык кеңешинин делегаты Доминик Паравичини башында турган Экономикалык маселелер боюнча мамлекеттик катчылыктын соода келишимдери(СЕКО)Швейцариянын делегациясы менен жолугушту. 

Жолугушууда тараптар соода жана инвестиция тармагындагы кыргыз-швейцариялык өнөктөштүктүн абалын жана келечегин талкуулашты.

Министр швейцариялык делегацияны эки мамлекеттин ортосундагы дипломатиялык мамилелердин түзүлгөндүгүнүн 30 жылдыгы менен куттуктап, Швейцария Кыргызстандын экономикалык өнүгүүсүнө, анын ичинде биргелешкен долбоорлор жана программалар аркылуу олуттуу колдоо көрсөтүп жатканын белгиледи.

Жолугушуунун жүрүшүндө Кыргызстан менен Швейцариянын 2022-2025-жылдарга кызматташтыгынын жаңы программасын ишке ашыруу маселелери да талкууланды. 

Министр кыргыз тараптын өлкөдө ишке ашырылып жаткан долбоорлорго жана программаларга ар тараптуу колдоо көрсөтүүгө даярдыгын ырастады. Ал ошондой эле делегацияга жүргүзүлүп жаткан социалдык-экономикалык реформалар жана өлкөнү өнүктүрүүнүн орто мөөнөттүү улуттук программасын ишке ашыруунун жүрүшү тууралуу маалымат берди.

Өз кезегинде Д.Паравичини мырза Кыргызстанга болгон иш сапарынын максаты дипломатиялык мамилелердин 30 жылдыгын белгилөө экенин белгиледи. Ал Швейцариянын Өнүктүрүү жана Кызматташтык Агенттигинин жаңы стратегиясы каралып, Борбордук Азия боюнча кызматташуу стратегиясы жаңыланып жатканын билдирди.

Ал Кыргызстан менен үч багыттан турган кызматташууну белгиледи. Булар – бүткүл региондо актуалдуу болгон инклюзивдик жана туруктуу экономикалык өнүгүү, мамлекеттик башкаруу жана мамлекеттик кызмат көрсөтүүлөр, суу менен камсыздоо, климаттын өзгөрүшү.

Швейцария Конфедерациясы Кыргызстан менен болгон достук мамилени жогору баалайт. Буга байланыштуу ал Швейцариянын өлкөнүн социалдык-экономикалык өнүгүүсүнө, курчап турган чөйрөнү коргоого жана климаттын туруктуулугуна, мөңгүлөрдү жана суу ресурстарын сактоого жана ишмердүүлүктүн башка приоритеттүү багыттарына колдоо көрсөтүүгө кызыкдар экенин ырастады.

Ошондой эле, Паравичини мырза туризмди туруктуу өнүктүрүү долбоорлоруна колдоо көрсөтүүгө, бизнес-чөйрөнү жана инвестициялык климатты жакшыртууга даяр экендигин билдирди.

Тараптар эки тараптуу кызматташтыкты мындан ары да арттырууну жана биргелешкен долбоорлорду ишке ашырууну макулдашышты.