Кыргыз Республикасынын Министрлер Кабинетинин Төрагасынын орун басары - Экономика жана финансы министри А.У.Жапаровдун тапшырмасы боюнча министрдин орун басары С.Рысалиев Свердлов жана Аламүдүн райондорунун акимдеринин катышуусунда кырдаалдык байкоо жүргүзүштү, биринчи топ Бишкек шаарынан эл аралык «Манас» аэропортуна чейинки жолду, экинчи топ Бишкек шаарынан Кант шаарына чейин мониторинг жүргүзүштү.

Автомобиль жолдорунун жээгиндеги аймактарды жакшыртуу иштери жүрүп жатат - отоо чөптөр жана камыштар кыйылып, бак-дарактар акталып, таштандылар тазаланды. «Эшигин көрүп, төрүнө өт» деген жакшы макал бар. Биз ишембиликтерди байма-бай өткөрүп турабыз, жолдордун жанындагы эскилиги жеткен объектилердин үстүндө иштеп жатабыз, - деп белгилешти акимдер.

Кыргызстандагы туризм иш жүзүндө пайдаланылбай жаткан ресурстардан жана суроо-талаптан киреше алып келүү жана жумушчу орундарды түзүү үчүн олуттуу потенциалга ээ. Айлана-чөйрөнүн булганышы дагы бир көйгөй, таштандылар ар дайым тазаланып турушу керек, көрнөк-жарнактар, таштандыларды чогултуучу контейнерлер / контейнерлер орнотулууга тийиш. Жергиликтүү бийлик органдары жол боюндагы объекттердин (ТКС, коомдук тамактануу жайларынын, соода түйүндөрүнүн) абалына дайыма көз салып туруусу зарыл.

Ошондой эле, ири туристтик жайларга алып баруучу жергиликтүү жолдордун маркировкаларын жаңыртуу үчүн, тиешелүү жардамчы жол инфраструктурасын, анын ичинде навигациялык белгилерди түзүү керек.

Кыргыз Республикасынын туризм тармагын калыбына келтирүү жана андан ары өнүктүрүү процессине катышкан мамлекеттик органдар менен өз ара аракеттенүү маанилүү - деп белгиледи С.Рысалиев.