“Евразия экономикалык бирлигинин жана кытайдын “Бир алкак, бир жол” долбоорунун биригиши” форуму болуп өттү

Новости
29-Октябрь 2020-ж.
2998

2020-жылдын 26-27-октябрларында “Евразия экономикалык бирлигинин жана кытайдын “Бир алкак, бир жол” долбоорунун биригиши” форуму онлайн-режиминде болуп өттү.

Эки күндүк видео форумдун программасы министрлер жана эксперттик сессияларга бөлүнүп, анда төмөнкү темалар камтылды:

- Экология жана соода: Париж келишиминин климат боюнча максаттарын ишке ашыруудан соодадагы тоскоолдуктарды күтүү керекпи жана бул Евразия өлкөлөрүнүн соода-экономикалык мамилелерине кандай таасир этет;

- Логистика жана транзит чөйрөсүндөгү санариптик чечимдер чек арадан өтүүнү тездетүүгө жардам береби жана аларды кантип биргеликте өнүктүрүүгө болот?

- ЕАЭБден КЭРге сапаттуу айыл чарба продукцияларын экспорттоону кантип көбөйтүү керек?

- Евразия экономикалык бирлиги менен Кытай Эл Республикасынын ортосунда финансылык кызматташтыкты кеңейтүүнүн перспективалары;

- Глобалдык экономикалык чакырык: пандемиядан кийин улуттук экономиканы калыбына келтирүү жана эл аралык соодага кайтып келүү боюнча кризиске каршы чаралар.

Ошол эле учурда, жолугушуулар онлайн өткөрүлдү:

- ЕЭК менен КЭР Коммерция министрлигинин ортосунда антидемпингдик, компенсациялык жана атайын коргоо чараларын колдонуу жаатында кызматташтык жөнүндө Меморандумдун алкагында кызматташтыкты талкуулоо үчүн ЕЭК жана КЭР Коммерция министрлигинин өкүлдөрү (2020-жыл, 26-октябрь);

- ЕЭК, ЕАЭБ мүчө-мамлекеттери менен КЭРдин ортосунда трансчек аралык (тышкы) электрондук сооданы өнүктүрүү маселелерин талкуулоо үчүн КЭР коммерция жана бизнес министрлигинин өкүлдөрү (2020-жыл, 27-октябрь).

Видео форумдун катышуучулары жетекчилер деңгээлиндеги мамлекеттик органдардын өкүлдөрү, ЕАЭБдин бизнес коомчулугу, ошондой эле кытайлык өнөктөштөр менен байланышты өнүктүрүүгө кызыкдар бизнес-түзүмдөрдүн өкүлдөрү болушту.

Форум сайтка туташуу мүмкүнчүлүгү менен интерактивдүү форматта өттү, ошондой эле YouTube каналындагы, социалдык тармактардагы, ЕАЭБ мүчө-мамлекеттеринин медиа талаасындагы жана Кытайдын ЖМКларындагы агымдын версиясы менен коштолду. 

Иш-чара Евразия экономикалык комиссиясы тарабынан, ЕАЭБ Ишкерлер Кеңешинин, Россиянын Өнөр жайчылар жана Ишкерлер Бирлигинин жана Ишкер Россиянын жалпы колдоосу менен уюштурулду.

Жогоруда аталган сессиялардын кайталоосун төмөнкү шилтеме боюнча көрүүгө болот:

http://www.eurasiancommission.org/ru/act/trade/video_forum/Pages/default.aspx

Предложения по улучшению сайта
Онлайн кайрылуу