2020-жылдын 11-сентябрында Евразия экономикалык комиссиясынын (ЕЭК) Кеңешинин кезектеги жыйыны видео конференция аркылуу өттү. Аталган жыйынга Армения Республикасынын, Беларусь Республикасынын, Казакстан Республикасынын, Кыргыз Республикасынын жана Россия Федерациясынын өкүлдөрү, ЕЭК Коллегиясынын Төрагасы, ЕЭК Коллегиясынын мүчөлөрү (министрлер) катышты. ЕЭК Кеңешинин жыйынынын жүрүшүндө 2025-жылга чейин Евразиялык экономикалык интеграцияны өнүктүрүүнүн стратегиялык багыттарын аныктаган документтин долбоорунун маселелери талкууланды жана макулдашылды. Евразия экономикалык бирлигинин (мындан ары - ЕАЭБ) ички рыногунун иштешинин алкагында тоскоолдуктарды четтетүү боюнча иштин жүрүшү жөнүндө маалымат жана 2020-жылдын 1-2-кварталдары үчүн “Чек арасыз иш” унификацияланган издөө тутуму” долбоорун ишке ашыруу жөнүндө отчёт угулду, анын негизги максаты ЕАЭБ мамлекеттеринин жумушка орноштуруу жана иш менен камсыз кылуу жаатындагы маалыматтык тутумдарында камтылган бош жумуш орундары жана жумуш издөөчүлөр жөнүндө маалыматка жетүү үчүн издөө тутумун түзүү болуп саналат.
Ошондой эле кызмат көрсөтүүлөрдүн бирдиктүү рыногу, салык саясаты, бажы саясаты, эл аралык кызматташуу маселелери каралды.
ЕЭК Кеңешинин жыйынынын жыйынтыгында Евразия экономикалык бирлигине мүчө мамлекеттердин мындан аркы интеграциясына багытталган бир катар документтер жактырылды, анын ичинде:
“Евразия экономикалык комиссиясынын Кеңешинин 2020-жылдын 29-апрелиндеги №47 чечимине өзгөртүүлөрдү киргизүү жөнүндө” чечим, анда ЕЭК Кеңеши жеке адамдар үчүн ЕАЭБдин бажы аймагында автоунаалардын жана башка транспорт каражаттарынын убактылуу калуу мөөнөтүн COVID-19 пандемиясын сактоого байланыштуу шарттарын ушул пандемияга байланыштуу 2021-жылдын 31-мартына чейин узартты;
ЕЭК Кеңешинин тапшырмасы, ага ылайык ЕАЭБ өлкөлөрүнүн Өкмөттөрү Арменияда жана Кыргызстанда катталган жана бул өлкөлөрдө чыгарылган, ЕАЭБге мүчө башка мамлекеттерде колдонулган ташып кирүү бажы алымдарынын кыйла төмөнкү коюмдары боюнча Россияга киргизилген транспорт каражаттарынын проблемаларын чечүү үчүн чаралар комплексин жүзөгө ашырууну камсыз кылуусу зарыл;
ЕЭК Кеңешинин тапшырмасы, ага ылайык Россия Федерациясынын Өкмөтүнө идентификация каражаттары менен маркаланууга тийиш болгон сүт азыктарынын тизмесин жана мындай маркаланбаган продукциялардын жүгүртүлүшүнө тыюу салуунун шарттарын жөнгө салуу боюнча сунуштарды иштеп чыгуунун натыйжалары боюнча ЕЭК Кеңешинин кароосуна “Сүт азыктарын идентификациялоо каражаттары менен маркалоону киргизүү жөнүндө” ЕЭК Кеңешинин кароосуна киргизүү тапшырылган;
ЕЭК Кеңешинин тапшырмасы, анда ЕЭК Коллегиясына кезектеги жыйында ЕАЭБ Сотуна Евразия экономикалык бирлиги жөнүндө келишимдин 2014-жылдын 29-майындагы жоболорун тактоо жөнүндө арызды жөнөтүү мүмкүнчүлүгүн карап чыгуу тапшырмасы берилген (Сатып алууларды жөнгө салуу жол-жобосу жөнүндө Протоколдун 31-пунктуна ылайык (Евразия экономикалык бирлиги жөнүндө келишимге №25 тиркеме) Евразия экономикалык бирлигине мүчө мамлекеттер тарабынан белгиленген тартипте мамлекеттик (муниципалдык) сатып алуулар жаатындагы улуттук режимден бошотууларды бир же бир нече жолу белгилөө;
ЕЭК Кеңешинин тапшырмасы, ага ылайык, ЕАЭБге мүчө мамлекеттердин өкмөттөрү 2020-жылдын 1-октябрына чейин ЕЭКке пландаштырылган аяктоо мөөнөттөрүн көрсөтүү менен план-графиктерди көрсөтүүгө тийиш:
ЕАЭБ алкагында же үчүнчү тарап менен түзүлгөн эл аралык келишимдердин күчүнө кириши үчүн талап кылынган ички жол-жоболор;
ЕАЭБ алкагында түзүлгөн эл аралык келишимдердин долбоорлоруна кол коюу үчүн зарыл болгон мамлекеттик ички жол-жоболор;
ЕАЭБ алкагында түзүлгөн эл аралык келишимдердин долбоорлорун мамлекет ичиндеги макулдашуу жол-жобосу.
Мындан тышкары, ЕЭК Кеңеши 2020-жылдын 9-октябрына пландаштырылган Евразиялык өкмөттөр аралык кеңештин жыйынынын күн тартибин бекитти.