Салык төлөөчүлөргө жагымдуу шарттарды түзүү максатында, салыктык башкаруунун заманбап методдорун киргизүү, бул патент алуу жол-жобосун жөнөкөйлөтүп, Кыргызстандын салык органдарында камсыздандыруу полисинин формалары жана камсыздандыруу полиси бириктирилген жана камсыздандыруу полисин алыстан алуу механизми киргизилген. Салык төлөөчүлөр алгач патентке, андан кийин камсыздандыруу полисине кезекке турууга аргасыз болушкан, бул салык төлөөчүгө бир топ убакытты талап кылган.

Мындан тышкары, азыркы учурда электрондук патентти алуу мүмкүнчүлүгү бар (патент алуу пункттарына барбай туруп, ыйгарым укуктуу салык органынын веб-сайты аркылуу патент алуунун алыскы формасы), бирок камсыздандыруу полисин алыстан алуу мүмкүнчүлүгү жок.

Азыркы учурда мамлекеттик салык кызматы тарабынан патенттин жаңы бланктарын даярдоо жана салык кызматынын “электрондук патент” маалыматтык системасын өзгөртүү боюнча иштер жүргүзүлүүдө.

Мындан тышкары, салык төлөөчүлөр үчүн жагымдуу жана ыңгайлуу шарттарды түзүү жана эл аралык бизнес инфраструктурасын өнүктүрүүнүн рейтингдеринде Кыргыз Республикасынын позициясын жакшыртуу үчүн Кыргыз Республикасынын Экономика министрлиги тарабынан “Кыргыз Республикасынын айрым мыйзам актыларына (Кыргыз Республикасынын Салык кодексине, “Мамлекеттик социалдык камсыздандыруу жөнүндө” Кыргыз Республикасынын Мыйзамына жана “Мамлекеттик социалдык камсыздандыруу боюнча камсыздандыруу төгүмдөрүнүн тарифтери жөнүндө” Кыргыз Республикасынын Мыйзамына) өзгөртүүлөрдү киргизүү тууралуу” Кыргыз Республикасынын Мыйзам долбоору иштелип чыккан, ал Кыргыз Республикасынын Өкмөтүнүн токтому менен жактырылган.

Бул мыйзам долбоору өлкөнүн салык төлөөчүлөрүнө салык органдарынын отчетторунун санын жөнөкөйлөтүп жана кыскартуу жолу менен салык отчетторун тапшырууда убакытты үнөмдөө мүмкүнчүлүгүн берет. Негизги идея киреше салыгы боюнча отчетту жана мамлекеттик социалдык камсыздандыруу каражаттары боюнча эсептик ведомостту бириктирүүдө турат.