Кыргыз Республикасына түз инвестициялардын агымына дем берүүнүн жаңы механизмдерин киргизүү максатында “Инвестицияларды колдоо маселелери боюнча Кыргыз Республикасынын айрым мыйзам актыларына өзгөртүүлөрдү киргизүү тууралуу” Мыйзамдын долбоору иштелип чыгууда, ал Жогорку Кеңештин депутаты А.Нурбаевдин атынан КР Өкмөтүнүн корутундусун берүү үчүн Кыргыз Республикасынын Өкмөтүнө жөнөтүлгөн.

Мыйзам долбооруна карата КР Өкмөтүнүн 2020-жылдын 30-мартындагы “Инвестицияларды колдоо маселелери боюнча Кыргыз Республикасынын айрым мыйзам актыларына өзгөртүүлөрдү киргизүү тууралуу” Мыйзам долбооруна КР Өкмөтүнүн корутундусу жөнүндө” токтому кабыл алынган.

Долбоор жер участокторун трансформациялоону жөнөкөйлөштүрүп, инвестициянын эң жогорку суммасын 50 миллион АКШ доллардан 10 миллион АКШ долларына чейин кыскартат, бул инвестор менен Кыргыз Республикасынын Өкмөтүнүн ортосунда түз инвестициялык келишимди даярдоого мүмкүндүк берет, ошондой эле инвестициялык лоттор түшүнүгүн киргизет - инвестициялык долбоорго карата инженердик коммуникацияларды кошуу боюнча инвесторлорго сунушталган чечимдер мүмкүн болгон зарыл документтердин топтому менен инвестициялык долбоорлорду түзүү.