Алдын ала баалоо боюнча Кыргыз Республикасынын Улуттук статистика комитетинин 2019-жылдын январь-ноябрь айларынын жыйынтыгы боюнча ички дүң продуктунун көлөмү (Мындан ары - ИДП) 513,4 млрд сом суммасында түзүлдү жана өсүштүн реалдуу темпи Кумтөр кенин иштетүү боюнча ишканаларды кошпогондо 4,9% ды түздү (2018-жылдын январь-ноябрында 103,1% ды түздү), өсүш темпи 103,5% ды түздү (2018 - жылдын январь-ноябрында-103,2 %). ИДПнын дефлятору 100% дын деңгээлинде түзүлдү.
Экономикалык өсүш экономиканын бардык секторлору менен камсыздалды: айыл чарбасында көлөмдөр 1,9% га, курулушта – 9,8% га, өнөр жайда – 10,0% га, кызмат көрсөтүү чөйрөсүндө – 2,8% га реалдуу өстү.
1-таблица
ИДПны түзүүчү секторлор боюнча түзүм жана өсүш темптери[1]
Көрсөткүчтөр | 2018-ж. январь-ноябрь (алдын ала факт) | 2019-ж. январь-ноябрь (алдын ала факт) | |||||
млн сом | өсүү темпи,% | ИДПга карата % менен | млн сом | өсүү темпи, % | ИДПга карата % менен | ИДПнын өсүшүнө салымдын үлүшү | |
ИДП | 489237,0 | 102,1 | 100,0 | 513405,1 | 104,9 | 100,0 | 4,9 |
Өндүрүш | 91667,4 | 101,4 | 18,7 | 103415,3 | 110,0 | 20,1 | 1,87 |
Айыл чарба | 62365,4 | 102,4 | 12,7 | 65359,3 | 101,9 | 12,7 | 0,24 |
Курулуш | 39879,3 | 105,3 | 8,2 | 44355,2 | 109,8 | 8,6 | 0,80 |
Кызмат көр. чөйрөсү | 222565,4 | 101,7 | 45,5 | 227989,3 | 102,8 | 44,4 | 1,27 |
Продуктуга таза салык | 72759,5 | 102,1 | 14,9 | 72286,0 | 104,9 | 14,1 | 0,73 |
Номиналдуу ИДП түзүмүндө экономикада түзүлгөн тенденциялардын натыйжасында товарларды өндүрүүчү тармактардын үлүшү, 1,8 пайыздык пунктка көбөйгөн жана 41,4% ды түзгөн, ал эми кызмат көрсөтүү тармактарынын үлүшү 1,1 пайыздык пунктка төмөндөгөн жана 44,4% ды түзгөн.