Кыргыз Республикасынын 2015--2017 жылдар аралыгында туруктуу өнүгүүнүн улуттук стратегиясын ишке ашыруудагы мамлекеттин ашыкча контролдук-көзөмөлдөөчү функцияларын кыскартуу ошондой эле Кыргыз Республикасынын Өкмөтүнүн структурасын өзгөртүүгө байланыштуу Кыргыз Республикасынын Өкмөтүнө караштуу Геология жана минералдык ресурстар боюнча агенттик Өнөр-жай, энергетика жана жер казынасын пайдалануу боюнча мамлекеттик комитети болуп кайра түзүлдү.

Ошону менен бирге жер казынасын сарамжалдуу пайдалануу жана кендерди коргоону көзөмөлдөө функциясы Кыргыз Республикасынын Өкмөтүнө караштуу экологиялык жана техникалык коопсуздук боюнча мамлекеттик инспекциясына берилди.

Ошондой эле Кыргыз Республикасынын Экономика министрлигинин ишин оптималдаштыруу максатында 2016-жылдын 2-декабрында №642 "Кыргыз Республикасынын Экономика министрлигинин структурасын оптималдаштыруу жөнүндө " КРӨнүн токтому кабыл алынды.

Бул токтомдун 1 пунктуна ылайык, Экономика министрлигинин алдындагы метрологиялык көзөмөлдөө боюнча мамлекеттик инспекциянын функцияларын КРӨнүн алдындагы Экологиялык жана техникалык коопсуздук боюнча мамлекеттик инспекциясына өткөрүп берилди.

Өкмөттүн структурасынын өзгөрүүсүнө байланыштуу контролдоочу органдардын саны 11-ден 9 га чейин кыскарды.