Евразия экономикалык биримдигинин (ЕАЭБ) “Таңгакталган ичүүчү суунун, анын ичинде табигый минералдык суунун коопсуздугу жөнүндө” техникалык регламентине № 2 өзгөртүүлөр долбоору (мындан ары  – № 2 өзгөртүүлөр долбоору) техникалык регламенттин  айрым жоболорун тактоо бөлүгүндө аны  колдонуу тажрыйбасын эске алуу менен ЕАЭБдин расмий сайтында https://regulation.eaeunion.org/pd/3290/ дарек боюнча коомдук талкууга жайгаштырылган.

№ 2 өзгөртүүлөр долбоору:

–  табигый минералдык сууларды, табигый жана иштетилген ичүүчү сууларды маркалоого, таңгакталган ичүүчү сууларды декларациялоодо же мамлекеттик каттоодон өткөрүүдө маркалоонун шайкештигин ырастоого карата бир катар талаптарды киргизет;

–  ашкана сууларына карата  табигый минералдык суулардагы фториддердин жол берилген деңгээлин, марганецти жана дарылоо жана дарылоо-ашкана сууларына карата радиациялык коопсуздукту баалоо талаптарын кайра карап чыгат;

– редакциялык жана техникалык мүнөздөгү бир катар дал келбестиктерди жоёт.

№ 2 өзгөртүүлөрдүн долбоору боюнча коомдук талкуу мезгилинин аяктоо күнү - 2026-жылдын 6-марты. 

№ 2 өзгөртүүлөр долбоору боюнча сын-пикирлер жана сунуштар коомдук талкуу аяктаган күндөн кечиктирбестен Комиссияга жазуу жүзүндө берилиши мүмкүн.