Бүгүн Кыргыз Республикасынын экономика жана коммерция министринин орун басары Медербек Туманов Чүй облусунун Аламүдүн районуна караштуу Достук айыл аймагындагы Ленинское айылында жайгашкан ОсОО «KG TEX» жаңы тигүү фабрикасынын салтанаттуу ачылышына катышты.
Фабрика жылына 1 миллион даана продукция чыгарууга ылайыкташтырылган. Ишканада 300 жумуш орду түзүлгөн, бул аймактын өнүгүүсүнө жана калкты иш менен камсыздоого маанилүү салым болот. Курулуштун жалпы аянты 3200 м² түзөт, жалпы инвестиция көлөмү — 170 миллион сом, каржылоо Азербайджан–Кыргыз өнүктүрүү фонду жана компаниянын өз каражаттарынын эсебинен жүргүзүлүүдө.
«KG TEX» фабрикасынын ачылышы аймактын өндүрүш потенциалын бекемдөөгө, тигүү тармагын өнүктүрүүгө, жаңы жумуш орундарын түзүүгө жана ички өндүрүштү колдоо боюнча стратегикалык максаттарды ишке ашырууга салым кошот.
