Бүгүн Чүй облусунун Сокулук районуна караштуу Шопоков шаарында ОсОО «Глассленд Компани» заводу салтанаттуу түрдө ачылды. Иш-чарага Кыргыз Республикасынын экономика жана коммерция министринин биринчи орун басары Чоро Сейитов катышты.

Жаңы завод заманбап жабдуулар менен камсыздалган жана жыл сайын 312 миң м² айнек пакеттерди, 93 миң м² ПВХ терезелерди жана 31 миң м² алюминий конструкцияларын өндүрүүгө мүмкүнчүлүккө ээ.

Ишканада азырынча 150 жумуш орду түзүлгөн, келечекте кызматкерлердин саны 3 000 адамга чейин көбөйүшү пландалууда.

Долбоор Россия–Кыргызстан өнүгүү фондунун колдоосу жана компаниянын өз каражаттарынын эсебинен ишке ашырылган. Жалпы инвестициянын көлөмү 7,7 млн АКШ долларынан ашык.

Ишкана импортту алмаштырууга салым кошот, буга чейин курулуш материалдарынын чоң бөлүгү чет өлкөдөн алынып келинчү.

Мындан тышкары, өндүрүштү кеңейтүү бюджетке түшкөн салык түшүмүн көбөйтүүгө, жергиликтүү камсыздоо чынжырларын чыңдоого жана транспорт, логистика жана соода сыяктуу кошумча тармактар үчүн жаңы мүмкүнчүлүктөрдү түзүүгө мүмкүндүк берет.

Чоро Сейитов сөзүндө: «Заводдун ачылышы Кыргызстанда индустриялашууга багытталган кезектеги кадам болуп саналат. Ишкана экономикасынын өсүшүнө олуттуу салым кошот, калкты иш менен камсыз кылат жана өлкөнүн ички жана тышкы базардагы позициясын бекемдейт. Мамлекет өндүрүш секторун өнүктүрүүгө багытталган инвестициялык долбоорлорду колдоону улантат», — деп баса белгиледи.

Завод Кыргызстандагы курулуш материалдарын өндүргөн негизги ишканалардын бири болуп, өнөр жайдын туруктуу өнүгүүсүн жана өлкөнүн экспорттук потенциалын