2025-жылдын 15-августунда Кытай Эл Республикасынын Синьцзян-Уйгур автоном районунун (СУАР) Кашгар шаарында 15-эл аралык «Кашгар жарманкеси» ачылды. Быйыл Кыргызстан жарманкенин ардактуу өлкөсү болуп тандалды.

 Кыргызстанды #КРЭКМ Соода өкүлчүлүгү жана «Кыргыз Экспорт» борбору колдоосу менен 9 компания тааныштырып жатат. Алар төмөнкү тармактарды камтыйт:

* бал өндүрүү

* алкоголдук продукция

* кургак жемиштер

* кол өнөрчүлүк буюмдары

* улуттук кийим элементтери

* кондитердик азыктар

Кыргыз павильонуна СУАР Эл өкмөтүнүн төрагасынын орун басары жана Кашгар шаардык парткомунун катчысы Ние Чжуан баш багып, кыргыз продукциясынын региондор аралык кызматташтыктагы маанисин баса белгиледи.

 Жарманке 15–19-август күндөрү уланат.

Кыргыз өндүрүүчүлөр үчүн бул мүмкүнчүлүк:

 түз келишимдерди түзүүгө, өнөктөштүктү кеңейтүүгө жана продукцияны дүйнөгө таанытууга жол ачат.