Кыргыз Республикасынын Экономика жана коммерция министрлигинин кызматкерлери Беловодск бала бакча-үйүнүн тарбиялануучуларын барып кылып, керектүү белектерди тапшырып, алардын күнүмдүк жашоосуна жарык жана кубаныч тартуулашты.

Министрликтин жамаатынын жеке демилгеси менен каражат чогултулуп, натыйжада 327 литрлик тоңдургуч сатып алынып, мекемеге белекке берилди. Бул – балдар мекемеси үчүн өзгөчө мааниге ээ жабдык. Ошондой эле балдарга таттуу белектер тапшырылып, майрамдык маанай тартуулаган атайын шоу-программасы уюштурулду.

200дөн ашык жергиликтүү тигүү ишканаларын бириктирген "Кыргыз тигүүчүлөр ассоциациясы" ЮЖБ да четте калган жок. Ассоциациянын төрайымы Дилорамкан Дуйшобаеванын  демилгеси менен балдар үчүн кийим-кече жана башка пайдалуу буюмдар тапшырылды.

Мындай демилгелер – бул коом алдындагы социалдык жоопкерчиликти гана эмес, чыныгы кайдыгер эместикти жана боорукерликти да билдирет. Министрлик мындай маанилүү социалдык долбоорлорду колдоону улантып, жакшылык – майда нерседен башталарын, бирок чоң мааниге ээ экенин эске салат