Форумга тиешелүү мамлекеттик органдардын өкүлдөрү, ишкердик коомчулуктун делегациялары, ошондой эле Азербайжан, Казакстан, Россия, Тажикстан, Өзбекстан жана Европа биримдигинин өкүлү болгон Литва өлкөсүнөн келген расмий делегациялар катышты.

Ишкердик программасынын алкагында катышуучулар электрондук сооданын өнүгүүсү, бажы жана соода процесстерин санариптештирүү маселелерин, ошондой эле Кыргызстандын улуттук маркетплейстери эл аралык электрондук соода тутумуна кантип интеграцияланышы мүмкүн экенин талкуулашты.

Айрыкча логистика маселелерине, салттуу жана санарип соода каналдарынын өз ара аракеттенишине, ошондой эле заманбап финансылык инфраструктураны электрондук коммерцияны өнүктүрүүгө колдонуу темаларына өзгөчө көңүл бурулду.

КР ЭКМ Бажы брокерлер ассоциациясынын бажыга байланыштуу кызмат көрсөтүүлөр тармагын өнүктүрүүгө кошкон салымын жана кесиптик стандарттарды жайылтуудагы аракетин жогору баалайт.

КР ЭКМ тарабынан эмгеги үчүн ведомстволук сыйлыктар тапшырылды:

• Ассоциациянын президенти И.Д. Гелетюк «Кызматташтык үчүн» медалы менен сыйланды;

• Ассоциациянын алты активдүү мүчөсү министрликтин Ардак грамоталары менен сыйланышты.